بكل بساطة
البودكاست ده بيقدم محادثات بسيطة في مواضيع مختلفة، وكأننا قاعدة مع بعض ونتكلم كأصحاب. بتدور الحلقات على مواضيع نحتاج نعرف عنها أكتر، وبتتميز بأسلوب قريب من القلب وباللغة العامية المصرية. الهدف هو إن الكلام يوصل للقلوب مباشرة.
حلقات
سن *العشرين*
سن العشرين…كنا فاكرين هنبقى فاهمين كل حاجةبس الحقيقة…. إننا تايهين أكتر! الحلقة دي اتعملت عشان إحساس واحد…إحساس إنك تايهوإن في حاجات كتير لسه مش واضحةوإنك محتار في خطواتك الجايهسن العشرين مش مرحلة إجابات…دي مرحلة أسئلةوالحلقة دي عن كل الاسئلة اللي لسه بندور على إجاباتها…
وهم العلاقات الصحية
مش كل علاقة بنحس فيها بالراحة تبقى علاقة صح.أوقات كتير بنقنع نفسنا إن “هي دي العلاقة اللي كنا مستنيينها”… بس الحقيقة بتكون غير كدا!في حلقتنا النهارده “وهم العلاقات الصحية” هنتكلم عن:هل إحساس الحب كفاية عشان العلاقة تنجح؟وإزاي نعرف قيمة نفسنا ونحط حدود ومبادئ نحافظ بيها على نفسنا جوا أي علاقة؟وكمان … إمتى لازم نواجه نفسنا بالحقيقة قبل ما نتأذى أكتر؟حلقة فيها أسئلة كتير هتخلينا نبص لعلاقاتنا بشكل مخ
غلبني الشوق
الفتره اللي فاتت كانت مليانة حاجات حصلت وخلتني اغيب عنكم....بس الغياب دا عرفني قد ايه البودكاست دا مهم بالنسبالي...حلقه بدون اسكربت وبدون كلام منظم بس طالعه من القلب عشان توصلكم. وبكل بساطه اهلاً بيكم من تاني❤️
المواجهة
المواجهة مش دايمًا سهلة… ساعات بتكون خطوة صعبة وساعات بتكون الحل الوحيد. بس السؤال بقا ليه بنهرب منها؟ وإمتى لازم نواجه؟ وده اللي هنتكلم عنه في الحلقة دي!
تعرف ايه عن| الاحلام #1
"تعرف إيه عن؟" هي سلسلة من بودكاست "بكل بساطة"، بناخدك فيها في رحلة لاستكشاف مواضيع غريبة، مثيرة، وأحيانًا محيرة!
حاجات بنسمع عنها كتير لكن عمرنا ما وقفنا نفكر فيها بجد.
كل حلقة هتكتشف معانا جانب جديد من العالم بطريقة بسيطة وممتعة!
الايجابية السامة (اللغوشة🎀)
كتير مننا بيبقي فاكر انه لما يبقي متفائل طول الوقت ف هو كدا بيحمي نفسة من المشاكل وضغوطات حياتة
مع ان في الحقيقة دا بيكون هروب من الواقع بتاعه
ويعني مع وجود مشاكل فعلية في حياتنا بنتبع طريقة اللغوشة عليها وانها هتتحل لوحدها مع ان طول ما انت مواجهتهاش هي عمرها ما هتتحل
ف تعالو كدا نتكلم شوية عن الموضوع دا مع بعض ونشوف هل له اضرار علينا ولا لا؟؟؟
جهاد النفس
في حلقة النهارده هنتكلم عن جهاد النفس...ويعني مش عيزاكو تتخضو من الموضوع هو تمام الموضوع كبير بس احنا كعادتنا حاولنا نتكلم فيه بطريقه بسيطه وحاولنا نغطي كل جوانب الموضوع
وصدقوني مفيش حد هيمسع حلقة النهارده الا وهيتسفاد او هيطلع منها ب حاجه وانا متأكده من دا....
واكيد هستني رأيكم في الحلقه
يومكم جميل...
ريلاشن شيب Vs ريلاشن شيتتت
حلقة النهارده والله ما ينفع تفوتها … كوباية اي حاجه تشربوها عشان هنرغي كتير ويلااا بيناااا
الطفولة
حلقة النهارده بقا فيها محتوي بجد مش زي المره اللي فاتت😂
ف يعني كل واحد يجيب كوباية الشاي بتاعته ويحصلني علي الحلقه😘
نقاشات حاده في المطبخ
Toxicity
حلقة النهارده شاااائكة حبتين تلاته......
تعالو كدا نتكلم شويه في الموضوع دا وهنتكلم برده
عن شوية red flags كدا علي الماشي وحاجات
تانيه
كفايا رغي اعتقد كدا خلونا نسمع الحلقه ونشوف هنوصل لايه في الآخر
ورقه وقلم
تفتكرو الورقه والقلم مهمين فعلا ولا مش اوي؟؟؟
تعالو نشوف الموضوع دا مع بعض في حلقة النهارده
وحشتووووووني
وبعد غيبه طولت شويه ...رجعنالكو تاني ب season 2
بداية جديدة
تعالي تحاول تدي لنفسك فرصة جديدة
الثقه بالنفس
وعشان نكمل سلسلة المواضيع الشائكه اللي احنا بنتكلم فيها...... ف هنتكلم النهارده عن الثقه بالنفس
الشغف
ما تيجوا ندور علي شغفنا اللي بيروح مننا دا🤔
ولكن نفسي اولاً
في ناس كتير بقت بتوصل لمرحله انها بتنسي نفسها وسط بقيت مشاغل حياتها...وناس اكتر اتعودت علي تقديم التنازلات الكتيره واتعودت كمان انها تيجي علي نفسها عشان اللي حواليها...ف احنا النهارده هنحاول مع بعض ان احنا نوازن بين نفوسنا وبين اي حاجه تانيه حوالينا...
هتبقي تمام
حلقتنا النهارده خفيفه وبسيطه اوي يعني تقدر تقول ان هي مش topic صريح كدا.... الفكره كلها ان احنا طالعين ندردش مع بعض شويه ونهون علي بعض اليومين دوول ..... اتمني الحلقه تعجبكوا وتقدروا تفصلوا بيها عن كل حاجه ❤️
دردشه_1_
حلقة النهارده مختلفه شويه عن كل الحلقات اللي قبل كدا الحلقه ملهاش موضوع معين هنتكلم فيه ..... الحلقه دي عباره كدا عن دردشه واجابات عن شوية اسئله جتلنا علي الpage بتاعتنا......بس وبمتني ليكوا حلقه لذيذه:)
الاوقات الصعبه
في حلقتنا النهارده هنحاول نبص للاوقات الصعبه دي بس بطريقه مختلفه....هنحاول نشوف الجانب التاني من الوقت دا
الصداقه
هنتكلم النهارده عن الصداقه وندردش كدا شويه مع بعض واتمني الحلقه تعجبكوا🥰
العيله
هنتكلم النهارده عن عيلتنا وهنحااول كدا مع بعض اننا نغطي الموضوع من كل الجوانب بتاعته
الرضا_ pt2_
اول حلقه من البودكاست بتاعنا هتكون عن الرضا قد ايه بجد هي كلمه بسيطه وبنسمعها كتير بس مش كلنا فاهمبن ايه اللي وراها .... ف النهارده وبكل بساطه هنحاول نتكلم كدا مع بعض ونفهم الموضوع اكتر
الرضا_pt1_
اول حلقه من البودكاست بتاعنا هتكون عن الرضا قد ايه بجد هي كلمه بسيطه وبنسمعها كتير بس مش كلنا فاهمبن ايه اللي وراها .... ف النهارده وبكل بساطه هنحاول نتكلم كدا مع بعض ونفهم الموضوع اكتر
