SheCare with Dr. Ezzat
برنامج توعوي يقدمه الدكتور أحمد عزت ويتناول قضايا صحة المرأة من منظور طبي واجتماعي. يعرض حلقات قصيرة تناقش ما تعيشه المرأة من آلام وأعراض كثيرا ما يُقلل من شأنها، ويشرح أسبابها وطرق التعامل معها. يهدف البرنامج إلى تصحيح المفاهيم الخاطئة وتقديم معلومات صحية مبسطة بلغة قريبة من الواقع. كما يخاطب الضغوط المجتمعية التي تواجهها المرأة عند الحديث عن صحتها، ويدعو إلى التعامل معها بجدية ورحمة.
حلقات
دليل المرأة لشهر رمضان. كل أسئلتك في فيديو واحد.
لو كل سنة بتدخلي رمضان ومعاه أسئلة ملهاش إجابة:تأجيل الدورة الشهرية علشان تصومي الشهر كله ازاي؟النقط البني؟ تكملي صيامك عادي وللا بتفطر؟الإفرازات بعد الطهر؟وجع الدورة الشهرية في الصيام؟ أقراص منع الحمل وميعادها؟الكرش والانتفاخ؟ الحموضة؟ علشان وزنك ميزيدش تاكلي ايه؟ازاي تحافظي علي البشرة والشعر؟تظبيط مواعيد النوم اللي بقى سلطة
صيام رمضان للحامل تصومي وللا تفطري؟
"أنا صومت عادي” … أخطر جملة ممكن تسمعيها وإنتي حامل في رمضان.تقبل الله يا أختاه… بس انتي مش هي. 🤰🌙 في الحلقة دي هتعرفي بشكل عملي وأسلوب بسيط:- مين ينفع تصوم؟ ومين الصيام ليها تهلكة مش بطولة؟- ليه العطش في الحمل مش مجرد إحساس… ده جرس إنذار حقيقي - أفضل شهور للصيام في الحمل- إمتى لازم تكسري الصيام فورا؟- لو حركة الجنين قلت مع الصيام تعملي ايه؟ - بروتوكول الصيام الذكي للحامل- أفضل سحور للحامل عل
ألم الثدي عند المرأة: إمتى طبيعي؟ وإمتى يحتاج كشف؟
لو بتصحي من النوم حاسه بتقل في الثدي! مش طايقه الهدوم، إمتى نقول الوجع ده عادي مرتبط بالهرمونات؟ وإمتى لازم نوقف ونكشف!إيه هي العلامات اللي ماينفعش تتساب ؟ليه الوجع يزيد قبل الدورة الشهرية؟هل الكتل المؤلمة خطيرة؟ ومعناها الإصابة بسرطان الثدي
هرمون الذكورة عند السيدات، ليه؟ علاقته بزيادة الشعر، تكيسات المبايض ومقاومة الإنسولين
لو عندك شعر زيادة حبوب شباب وزيادة وزن،في الفيديو ده هتعرفي هرمون الذكورة عند السيدات: هو إيه؟ بيطلع منين؟ وإمتى زيادته تبقى مشكلة؟ أشهر علامات زيادة الهرمون وعلاقته بتساقط شعر. ليه السبب الشائع مش “هرمون لوحده” بس… أحيانا وراه تكيسات مبايض، مقاومة إنسولين. خطة علاج عملي: تعديل نمط حياة + علاج طبي مناسب، وامته تبدأي تعملي ليزر إزالة.
الأسباب الحقيقية للجفاف المهبلي عند المرأة وأفضل علاج آمن
لو بتحسي بحرقان أو ألم أثناء العلاقة فده ممكن يبقى من أعراض الجفاف … ومش حاجة لازم تتعودي عليها.في الفيديو ده هتعرفي:الجفاف المهبلي بيحصل ليه؟إمتى نطمن وإمتى لازم كشف؟الفرق المهم بين المرطب والمزلقات
دليل المرأة لإختيار أفضل وسيلة منع حمل في بداية الزواج
لو بتدوري على أفضل وسيلة منع الحمل في بداية الزواج متكونش بتزود الوزن ولا تلخبط الهرمونات.في الفيديو ده دكتور أحمد عزت بيشرح الفرق بين أقراص منع الحمل، الكبسولة، واللولب.يعني ايه منع الحمل الطبيعي؟لو الزوج هيتسخدم هو الوسيلة يبقى ايه الأفضل !وكمان أشهر الخرافات اللي بتخوف المرأة في بداية الزواج
ثلاثة أسرار للولادة الطبيعية بدون ألم، مع خطة نفسية وعملية قبل وأثناء الولادة
لو خايفة من الولادة الطبيعي… انتي مش لوحدك. في الفيديو ده هنفهم إيه اللي بيحصل جوه جسمك وقت الطلق وليه الخوف ساعات بيبطأ الولادة، إزاي نساعد الجسم يشتغل معاكي بدل ما يشتغل ضدك. ليه الحركة والوضعيات الصح بتفرق، وإزاي النوم على الظهر ممكن يقلل مساحة الحوض فتتحسي إن الموضوع بقى أصعب. هنشرح التمارين اللي بتساعد على اتساع الحوض، والبيبي ينزل أسهل.
دليل المرأة الكامل للتغلب على ألم الدورة الشهرية
وجع الدورة الشهرية اللي مبيخفش بالمسكنات دلع؟ قولون عصبي؟ وللا بطانة الرحم المهاجرة؟ليه بتحسي بإرهاق مزمن؟ انتفاخ في البطندكتور أحمد عزت بيشرح الحقيقة وراء بكره تتجوزي وترتاحي!تأثير بطانة الرحم المهاجرة على الخصوبة، هل تؤخر الحمل؟ايه هي درجات بطانة الرحم المهاجر ويعني ايه أكياس شكولاتةوأخيرا نظام غذائي وتمارين للتخلص من ألم الدورة الشهرية
شعرك بيقع ووزنك بيزيد من غير ما تاكلي؟
لو حاسة إنك بتعملي مجهود عادي بس بتتعبي بسرعة؟ نوم كتير ومش مكفي؟ تركيزك مشتت؟ايه علاقته بحالتك النفسية، وهل بيأثر علي انتظام الدورة الشهرية الخصوبة والحمل
اكتئاب ما بعد الولادة | ازاي تتخلصي منه وتحسني حالتك النفسية دلوقتي
لو بتحسي من بعد الولادة إنك مش قادرة تفرحي! أو بتبصي للبيبي ومش حاسة بالمشاعر اللي الناس مستنياها؟ ده ممكن يكون اكتئاب ما بعد الولادة… مرض حقيقي، مش ضعف ولا قلة إيمان. دكتور أحمد عزت بيشرح الفرق بين البيبي بلوز اللي بييجي لكتير من السيدات وبيخف غالبا خلال أسبوعين، وبين الاكتئاب اللي بيكمل ومحتاج تدخل. إيه تأثير الهرمونات وعلاقتها بتقلب المزاج.وفي الآخر روشتة نجاة واقعية مع شرح العلاج المعرفي السلو
ليه بقيتي بتتعبي من أقل مجهود، خمول، نوم كتير وقلة تركيز؟
ليه بتتعبي من أقل مجهود وتصحي من النوم كأنك منمتيش؟متلازمة التعب المزمن عند المرأة، ازاي تفرقي بينها وبين الأنيميا، نقص فيتامين د والاكتئاب؟ مع خطة للتعاملات اليومية تسعادك على تقليل الارهاق المزمن، الأرق، والتعامل مع الضغط النفسي
ما لا تعرفه المرأة عن هرمون الأنوثة
ليه هرمون الأنوثة بيأثر على الدورة الشهرية، المزاج، نعومة البشرة وتساقط الشعر؟ازاي تفرقي بين أعراض نقص هرمون الأنوثة وبين زيادة نسبته؟علاقتة بالتوتر القلق وقلة النوم، ايه دور زيادة الوزن تكيسات المبايض وازاي تزودي نسبة هرمون الأنوثة بطرق طبيعية؟
ليه الليزر مش حل نهائي للشعر الزائد عند المرأة؟
لو بتعاني من ظهور شعر سميك في أماكن غير مرغوبة، في الفيديو ده هتعرفي الحقيقة وراء الشعر الزائد، هل المشكلة في هرمون الذكورة، تكيسات المبايض، مقومة الإنسولين، وللا المشكلة جينات وراثية؟الفرق بين الشعر الطبيعي والشعر المرضي.علاقة مقاومة الأنسولين والسكريات بظهور الشعر.خطة العلاج الرباعية: من التحاليل والأدوية وصولا لليزر ونمط الحياة.
ازاي تتخلصي من دهون البطن
بطن بعد الولادة مش دهون بس، في ٣ أسباب بيخلوا شكل بطنك كأنك لسه حاملبعد الولادة كتير من السيدات بيحسوا إن بطنهم لسه حامل، بس الحقيقة إن الموضوع مش سبب واحد.في الحلقة دي هتعرفي الفرق بين دهون البطن وترهلات الجلد.ايه هو الانفصال العضلي للبطن؟ليه تمارين البطن بعد الولادة بتزود المشكلة؟وهل استعمال المشد وكريم الترهلات بيجيب نتيجة؟خطة عملية واقعية بدل الوعود الوهمية تناسب المرأة اللي ولدت طبيعي أو قيصر
ليه بقيتي مش طايقة نفسك ولا حد؟
لو كل شهر قبل الدورة بتقلبي ١٨٠ درجة: عصبية، أكل بشراهة، زيادة وزن ووجع جسم غريب، تعرفي على متلازمة ما قبل الدورة الشهرية، إيه الفرق بينها وبين الأعراض العادية، وإمتى لازم تاخدي الموضوع جد وتكشفي.هنتكلم عن الهرمونات، المزاج، النوم، الأكل، والروتين اليومي… وإزاي تغييرات بسيطة في حياة المرأة ممكن تقلل الدراما اللي بتتكرر كل شهر.
وسيلة منع حمل مبتزودش الوزن ولا بتغير الهرمونات
كل اللي محتاجة تعرفيه عن اللولب في فيديو واحدايه هي مميزات اللولب النحاسي وعيوبه؟ايه الفرق بين اللولب النحاسي واللولب الهرموني؟نسبة الأمان، إمتى ينفع وإمتى ماينفعش؟هل اللولب بيزود الالتهابات؟ بيأثر على الخصوبة؟ ينفع بعد القيصرية؟ وهل فعلا بيسرح جوه الجسم وللا لا؟وازاي تختاري أنسب نوع لولب ليكي
سبعة أسباب لضعف الرغبة في العلاقة عند المرأة
لو حاسة إن رغبتك في العلاقة الزوجية قلت فجأة؟ أو إنك بقيتي بتتهربي من العلاقة من غير ما تفهمي ليه؟ دكتور أحمد عزت في الفيديو ده بيتكلم عن ضعف الرغبة لدى السيدات: إمتى يبقى جزء طبيعي من الضغوط اليومية، وإمتى يبقى محتاج فحص وعلاج؟ هنشرح الأسباب الهرمونية، والنفسية، وتأثير الأدوية والأمراض المزمنة، وإزاي نرجع التوازن للعلاقة من غير جلد ذات ولا إحساس بالذنب.
ليه وزنك مش بينزل مهما تعملي دايت؟
حاسة إن عندك بطن سفلية مش بتخس، مع إنك بتحاولي تاكلي كويس؟دكتور أحمد عزت في الفيديو ده بيتكلم عن مقاومة الأنسولين عند المرأة:ازاي بتتكون، وليه بتخلي دهون البطن السفلية تزيد، ليه الميزان واقف رغم كل الدايت والحرمان.هتعرفي:أشهر أعراض مقاومة الأنسولين عند البنات والسيداتعلاقتها بـ زيادة الوزن وتراكم الدهون في البطنعلاقتها بتكيسات المبايض وزيادة نمو الشعرليه نفسك مفتوحة على الحلويات طول اليوموإزاي تبد
ليه شعرك بيسقط ووزنك بيزيد من الهوا؟
تكيسات المبايض بتلخبط هرموناتك، دورتك الشهرية، وحالتك النفسية في نفس الوقت؟ دكتور أحمد عزت في الفيديو ده بيشرح يعني إيه تكيس المبايض فعلاً، إزاي تفرقي بينه وبين “لخبطة الهرمونات العادية”،علاقة تكيسات المبايض بزيادة الوزن، الشعر الزايد، ومقاومة الإنسولين وتأخر الحمل.خطة عملية من أربعة محاور مع تغييرات بسيطة في نمط حياتك هتساعدك ترجعي توازن الهرمونات وفرص الحمل.
خطة السيطرة على القولون العصبي
حاسة إن بطنك منفوخة طول اليوم، مغص وغازات وإمساك مع إسهال…في الفيديو ده هتعرفي:يعني إيه قولون عصبي فعلا مش مجرد شماعة لأي مغص!ليه القولون العصبي بيهاجم الستات أكتر من الرجالة ؟إزاي تفرقي بين مغص عادي ومغص قولون عصبي، وإمتى لازم تكشفي؟خطة كاملة للسيطرة:تنظيم الأكل ونظام الـ FODMAPإدارة التوتر ومحور المخ–الأمعاءالقولون العصبي مش دلع، ده بيسبب ألم حقيقي
ليه بتصحي من النوم مرهقة؟
حاسه بإرهاق مزمن، وجع عضم وعضلات، تساقط شعر، وتقلبات مزاجية؟ ممكن المشكلة نقص فيتامين د ومش كسل.دكتور أحمد عزت في الفيديو ده بيشرح أعراض نقص فيتامين د عند المرأةعلاقة فيتامين د بتساقط الشعر !سبب الاكتئاب الحزن والحالة النفسية!علاقة نقص فيتامين د بآلام العضلات والعظام !هل نزلات البرد المتكررة ونقص المناعة له علاقة بفيتامين د؟هنراجع مصادر فيتامين د في الأكل، أنسب وقت وأفضل طريقة تاخديه بيها، وهنحط خ
ليه بقينا بنتقيصر؟
لو حامل ومحتارة تولدي طبيعي وللا قيصري، دكتور أحمد عزت في الفيديو ده هيخليكي تاخدي قرارك بعلم مش بخوف،هتعرفي ليه الولادة الطبيعية أفضل لصحتك وصحة البيبي؟إمتى القيصرية تكون ضرورة حقيقية؟إزاي تقللي احتمال القيصرية بخطوات عملية ؟ولو هتولدي قيصري، هنمشي مع بعض على أسرار تخلي الألم أقل والاستشفاء أسرع: خطة مسكنات ذكية🎯 الهدف: تولدي بأمان من غير خرافات، ومن غير ألم.
دليلك لزيادة هرمون الأنوثة
لو حاسة إن جسمك "مش أنتي": هبات سخنة، أرق، مزاج رايح جاي، نسيان، جفاف .. متقلقيش، دي تغيّرات هرمون الأنوثة قبل وأثناء انقطاع الدورة الشهرية. في الفيديو ده هتفهمي ببساطة:امتى نعتبرها بدايات سن الأمل وإزاي تفرقيها عن أي سبب تاني؟ دكتور أحمد عزت بيشرح أعراض انقطاع الدورة الشهرية.التخلص من الهبات الساخنة، الأرق، آلام المفاصل، تغيرات الجلد والشعر، النسيان.خطة عملية: أكل، مكملات، رياضة، ونوم .
تساقط الشعر النفسي، السبب الحقيقي وخطة إستعادة الكثافة
لو شعرك بيقع ومش لاقية تفسير… ممكن يكون السبب مش فيتامينات ولا شامبو سحري، تساقط الشعر النفسي عند المرأة، دكتور أحمد عزت بيشرح إزاي الضغط النفسي، التوتر والقلق بيسقط شعرك ؟دورة حياة الشعرة ببساطة.أسباب تساقط الشعر.الفرق بين التساقط نفسي، الثعلبة المناعية، وهوس نتف الشعر .التحاليل الضرورية لمعرفة سبب تساقط الشعر.خطة عملية من ٤ محاور لإستعادة كثافة شعرك.
ليه بقى عندك أربع شخصيات؟
لو كل شهر حاسة إنك ٤ شخصيات فحضرتك مش بتتخيلي! في الفيديو ده هتفهمي فصول الدورة الشهرية (شتا/ربيع/صيف/خريف)، وازاي بتأثر على حالتك النفسية، مزاجك وهرموناتك، هتعرفي امته تبقى دورة طبيعية وامته لا؟دكتور أحمد عزت بيشرح العلامات لما تبقى خطر ومحتاجة متباعة. هنعرف أسباب التقديم ليه الدورة بتيجي بدري وأسباب التأخير عن معادها، إزاي تحسبي معاد التبويض، علشان تحملي بسرعة في بداية الزواج، وتأثير عدم انتظام
ضعف رغبة الزوج: هو اتغير؟ مبقاش يحبك! وللا في احتمالات تانيه؟
١٢ سبب لضعف رغبة الزوج في العلاقة، في الفيديو ده دكتور أحمد عزت بيعرض بشكل مبسط ودقيق أسباب ضعف الرغبة لدى الزوج: العوامل الصحية، تأثير بعض الأدوية، الاضطرابات النفسية والقلق، قلة النوم ونمط الحياة، مع مؤشرات تستدعي مراجعة الطبيب وخطوات عملية للدعم والتواصل باحترام دون لوم.هدفنا: فهم أعمق للمشكلة وتقديم حلول قابلة للتطبيق داخل العلاقة.هتتعلمي ايه:* الفرق بين الأسباب الطبية والنفسية ونمط الحياة.* ا
ليه جسمك بيوجعك من غير سبب؟
لو بتحسي بوجع متنقل، إرهاق، نوم ملخبط، وتركيز مشتت… ممكن تكوني بتعاني من الألم العضلي الليفي (Fibromyalgia). في الفيديو ده دكتور أحمد عزت بيشرح العلامات الشائعة، إيه اللي بيزود الوجع، وإزاي تقلليه بخطوات بسيطة تنفع يومك، بداية من إدارة التوتر، روتين يومي للألم المزمن، خطة علاج كاملة مع نصائح للمرأة.
