المواطن المتفائل
محمود عبد المجيد يشارك رحلته من شخص انطوائي إلى شخص مؤثر في حياة الآخرين، ويكشف عن سر النجاح الذي يكمن في ثلاث ركائز: الحمد، التعلّم، والسعي المستمر. يتناول البودكاست تجارب الحياة وتفاصيلها، وكيفية التعامل مع العلاقات الشخصية والمهنية. يهدف إلى تحفيز المستمعين على البدء في رحلة التغيير الإيجابي.
حلقات
إمتى بقيت شبه أبويا؟
في لحظة غضب مع ابني، سمعت صوت أبويا خارج من بوقي وسألت نفسي: إمتى بقيت شبه أبويا؟حلقة عن الحاجات اللي ورثناها من أهلنا، إيه اللي لازم نوقفه عندنا، وإيه اللي يمكن خوفنا من تكراره خلانا نرميه زيادة عن اللزوم.
التقدير خسرنا كتير
التقدير حاجة جميلة لما ييجي من بره، لكن مصيبة لما حياتك كلها تبقى متعلقة بيه.
سيب دماغك تسرح
إحنا بقينا بنهرب من كل لحظة فراغ بالموبايل والمعلومات. لكن يمكن دماغنا محتاجة الفراغ أكتر مما إحنا متخيلين. حلقة عن الانتباه، التفكر، الخلوة، وليه أحيانًا أحسن حاجة ممكن تعملها هي إنك تسيب دماغك تسرح
إنت لسه بتعاقب نفسك ليه؟
يمكن نغلط، نندم، ونصلح، لكن هل لازم نفضل نعاقب نفسنا على غلطة حصلت من سنين؟في الحلقة دي بنتكلم عن الفرق بين الندم وجلد الذات، وإزاي تتحمل مسؤولية غلطك من غير ما تحول الغلطة لهويتك
هو الرضا ضد الطموح؟
إمتى أقول كفاية؟وإزاي أبقى راضي… وفي نفس الوقت أفضل أسعى وأتطور؟حلقة عن الفرق بين الرضا، والطموح، والطمع.يمكن الرضا مش بيوقفك…يمكن هو اللي بيديك القوة تكمل
السباق إلى الفقر
ليه كل ما مرتبنا بيزيد، الفلوس برضه مش بتكفي؟في حلقة "السباق إلى الفقر"، بنكتشف الفخ الخفي اللي بيخلي زيادة الدخل تحول حياتنا لديون ومظاهر بدلاً من راحة البال. إزاي تخلي الفلوس في خدمتك وتشتري بيها حريتك؟
مين أنت قدام ربنا؟
بنضيع عمرنا نسأل: "أنا المفروض أبقى إيه قدام الناس؟"بينما السؤال الحقيقي اللي يغير حياتك هو: "مين أنت قدام ربنا؟"حلقة عن إعادة تعريف الهدف، والتخلص من فخ الشغف المزيف، وازاي تعيش الأمانة في يومك العادي.
الجانب المظلم من نصايح النجاح
ليه أشطر ناس بنعرفهم واقفين مكانهم؟ في الحلقة دي بنبص في المراية وبنكشف 'الجانب المظلم لنصايح النجاح' والتنمية البشرية. مفيش أوهام. كلام علمي وواقعي عن فخ الجاهزية وشلل التحليل، وأدوات عملية هتخليك تبدأ وتتحرك حتى لو مش جاهز.
لما حقك يضيع قدام عينيك
فيه لحظات ما بتوجعكش بسبب الخسارة بتوجعك لأنك حاسس إن حقك ضاع. في الحلقة دي بنتكلم عن إحساس الظلم، لما النتيجة ما تبقاش عادلة، ولما القهر اللي في ماتش يفكّرنا بقهر أكبر في الحياة.
أكتر غلطة بعد الانفصال
ليه بنفضل متعلقين بعد الانفصال؟ وليه انتظار الاعتذار أو التفسير بيطول الوجع؟ في الحلقة دي هنتكلم عن الغلطة اللي بتمنع ناس كتير من إنهم يتخطوا
حدود الخصوصية في زمن الحشرية
الخصوصية ليست أن تخفي أسرارًا، بل أن تمتلك حق اختيار ما تشاركه مع الآخرين وما تحتفظ به لنفسك
النهار له عينين
ليه أول ما نحط رأسنا على المخدة تبدأ دماغنا تشتغل بأعلى صوت؟ في الحلقة دي بنتكلم عن التفكير الزائد قبل النوم، وليه مش كل فكرة تستحق اهتمامنا، وإزاي نهدّي العقل ونسيب بعض الأفكار للصباح. لأن أحيانًا أفضل حل للمشكلة هو ليلة نوم هادئة
سيبهم
حلقة عن فكرة "سيبهم"، وإزاي تبطل تشيل هم الناس وتستهلك طاقتك في حياتهم، وتركّز أكتر على نفسك وحاجات تقدر تتحكم فيها عشان تعيش براحة وهدوء.
هو يا حماس يا كسل
حلقة عن سر التغيير الحقيقي في الحياة، وليه ما يكفيش الحماس أو الأهداف، بل الأهم هو نبني العادات والنظام اليومي اللي يحدد هويتنا وسلوكنا بشكل مستمر.
أمة الدوبامين
حلقة بتتكلم عن إزاي السوشيال ميديا والمتعة السريعة خلّتنا عايشين في دايرة من الزهق وفقدان الشغف، وإزاي الدوبامين بقى متحكم في مودنا وحياتنا اليومية.
أنا تعبان مش فاشل
حلقة عن التعب اللي محدش بيتكلم عنه…عن الجواز والخلفة والمسؤولية، وعن الإحساس إنك “مش قادر” ومع ذلك بتكمل.يمكن الحياة فعلًا مطحنة… بس يمكن ده طبيعي أكتر ما إحنا فاكرين.
أنت عدو نفسك
ساعات أكبر عدو لينا مش الناس… إحنا.الحلقة دي عن جلد الذات، وإحساس إنك مهما تنجح عمرك ما بتحس إنك كفاية، وليه صوتك الداخلي ساعات بيكون أقسى من الدنيا كلها
هو نقد ولا إهانة
حلقة بتوضح الفرق بين النقد والإهانة، وتشرح إزاي تقول الحقيقة من غير ما تكسر اللي قدامك باستخدام مفهوم Radical Candor: صراحة مع اهتمام
حماس الصيف
الحماس حلو بس مش كفاية.اللي فعلاً بيغير حياتك هو الالتزام اليومي،العادات الصغيرة اللي بتعملها كل يوم،هي دي اللي بتوصلك، مششرارةالبداية.
عايز اشتغل
في الحلقة دي هقولك ازاي تلاقي شغل بذكاء، مش بس بالشهادات. هتعرف ازاي تستفيد من الإيفينتس وتبني علاقات قوية تفتحلك أبواب الفرص. كفاية تروح تتفرج،الوقتإنكتبان
كتاب أحببت وغدا!
في الحلقة دي، بنغوص في كتاب “أحببت وغدًا” للدكتور عماد رشاد عثمان، ونتكلم عن إزاي ممكن تقع في حب شخص نرجسي يكسرك وأنت فاكر إنه بيحبك. هنفهم مع بعض ليه بنقع في العلاقات المؤذية، وليه الخروج منها أصعب مما الناس فاكرة. الحلقة فيها وجع، بس كمان فيها وعي وطبطبة.علشان اللي بيحبك بجد، مش هيخليك تشكإنكتستاهلتتحب
إزاي ارتاح
حلقة النهاردة فيها حكاية مش بس عن الخير… عن الراحة النفسية اللي بنفضل ندور عليها، وممكن نلاقيها في حتة ماكناشمتخيلينها.
ما تحاولش
مش كل حاجة تستحق اهتمامك. ومش كل الناس رأيهم مهم.كل ما تحاول ترضي الناس أكتر، كل ما هتخسر نفسك أكتر.الحرية الحقيقية تبدأ لما تبطل تحاول… وتبتدي تختار إيه فعلاً يستحق إنك تهتم بيه
أنا محبط!
كلنا بنعدي بلحظات إحباط، وأنا شخصيًا جالي إحباط جامد من قريب، في آخر رمضان اللي فات، وكنت حاسس إني مش هكمل.وقعت في نفس الفخ اللي دايمًا بقول للناس يبعدوا عنه: فخ المقارنة بالآخرين.بس في الآخر إحنا بشر، وعادي نحس بضعف أو إحباط…المهم إننا نعرف نخرج نفسنا من الحالة دي ونكمل
إمسك متحرش
بنتكلم عن غياب الأهل عن حياة أولادهم، وازاي الغياب ده ممكن يخلي الطفل يتعرض لحاجات زي التحرش من غير ما يعرف حتى يعبر أو يستوعب اللي حصل. بحكي كمان عن تجربة شخصية وأنا طفل، لما واحدة من جيراننا اتحرشت بيا، وكنت فاكر وقتها إن ده هزار… لكنه ماكنش هزار، كان تحرش، وأنا ماكنتش لاقي حد أتكلم معاه. حلقة صادقة ومهمة عن الحضور، الأمان، والتربية الليبتشوفوتسمع
دوامة الحياة
كلنا بنجري في دوامة الحياة، نحاول نمسك بكل حاجة في وقت واحد: الشغل، العيلة، الطموحات، والعبادة. الحقيقة إن مش كل حاجة تستحق نفس الأولوية، وفي حاجات لو ضاعت مش هنعرف نعوضها. لو بتحس إنك تايه في زحمة الدنيا، أو دايمًا مضغوط ومش عارف تلاقي وقت لنفسك، يبقى الحلقة دي ليك. اسمعها للنهايةوشاركنابرأيك
صلة الرحم والعلاقات السامة
هل صلة الرحم تعني تحمل الأذى؟ 🤔 وكيف نوازن بين بر الأهل وحماية نفسنا؟ في هذه الحلقة، نتحدث عن العلاقات السامة، عقوق الآباء للأبناء، وكيفية وضع حدود صحية دونالإخلالبالقيم.
حب الخير للناس
هل تعلم أن مساعدة الآخرين قد تجعلك أكثر سعادة وصحة؟ في هذه الحلقة، نستكشف كيف أن حب الخير ليس مجرد قيمة أخلاقية، بل له تأثير علمي مثبت على الدماغ والجسم. سنتحدث عن هرمون الأوكسيتوسين، قصة Roseto، وكيف أن الحديث النبوي “لا يؤمن أحدكم حتى يحب لأخيه ما يحب لنفسه” يمكن أن يغير حياتنا.استمعالآن!
اصحاب العقول
الحلقة تتكلم عن دعاء “اللهم اجعلنا ممن يستمعون القول فيتبعون أحسنه” وكيف نطبقه في حياتنا. الفكرة هي التفكير قبل اتخاذ القرار واختيار الأفضل دائمًا. في النهاية، اتباع الأحسن هو دليل وعي وقوة،وليسضعفًا.
غاية لا تُدرك
ليه دايمًا بنحاول نرضي الكل حتى لو على حساب راحتنا؟ وليه بنحس بالذنب لما نقول “لأ”؟في الحلقة دي، هنتكلم عن خطورة السعي الدائم لرضا الناس، وإزاي تلاقي التوازن بين العطاءوحمايةنفسك.
الحب ولع في الدرة
هو الحب لازم يبقى بوست على فيسبوك وإنستجرام؟ ولا ممكن نحب في هدوء من غير لايكس وكومنتات؟ في الحلقة دي بنتكلم عن ظاهرة “الحب الأونلاين” وليه بقى ضروري نشارك كل تفاصيل علاقتنا علىالسوشيالميديا.
قوة الآن
القلق والتردد ممكن يسرقوا حياتنا ويخلونا عالقين بين الماضي والمستقبل. في الحلقة دي، هنتكلم عن كتاب “قوة الآن” لإكهارت تولي، وهنعرف إزاي نعيش اللحظة، نتحرر من التفكير الزائد، ونتعامل مع مخاوفنا بسلام. حلقة سريعة، فيها أدوات بسيطة تخليك أكثر هدوءًاوتوازنًا.
رسالة من المستقبل
ي الحلقة دي، برجع بالزمن 20 سنة، وبكلم نفسي وأنا صغير. بحكي لمحمود الصغير عن التجارب اللي هيمر بيها، عن النجاحات اللي هيفتخر بيها، وعن الفشل اللي هيعلمه كتير. بفتحه على فكرة إن الحياة مش سباق، وإنه لازم يكون لطيف على نفسه، ويعرف إمتى يقول لأ، ويحط حدود. الحلقة دي رسالة مليانة شجن وصدق، بتفكرنا كلنا إننا دايمًا محتاجين نطبطب على نفسنا ونفتكر إننا أعظم مما بنصدق.
جبر الخواطر
الحلقة دي بتوضح إزاي الكلمة الطيبة أو التصرف الصغير ممكن يساعدك إنك تحس براحة نفسية أكبر، وفي نفس الوقت تساعد الناس اللي حواليك. هنتعلم مع بعض خطوات بسيطة تخلينا نخلي جبر الخواطر عادة يومية، ونشارك قصص حقيقية بتبرز أثر الكلمة الطيبة في حياتنا
رسالة لصديقي المُحبط
هل يمكننا التغلب على مشاعر الإحباط؟ وكيف نمضي قدمًا وسط التحديات؟ حلقة تحمل رسالة أمل ودفعة إيجابية لكل من يشعر أن الطريق مظلم.
اهدافي مضيعه حياتي
كلنا بنبدأ السنة بأهداف وخطط جديدة، لكن في أوقات كتير بنحس إن الأهداف دي أكتر عبء من إنها مصدر للتحفيز. في الحلقة دي، هنتكلم عن أهمية وضع أهداف صغيرة وبسيطة ممكن تتحقق بسهولة، وازاي الأهداف مش لازم تكون خارقة أو تغيّر حياتنا تماماً. الأهم هو إننا نستمر في اللي بنعمله، لكن بطريقة أحسن شوية. استمعوا للحلقة عشان نكتشف مع بعض ازاي نحدد أهداف تكون فعلاً ذاتمعنىلحياتنا!
ازاي نبني حدود
في الحلقة دي، بنتكلم عن كيفية بناء حدود صحية في العلاقات العائلية السامة.هنتعلم خطوات عملية وواضحة عشان نحمي نفسنا، نقلل الأذى، ونحافظ على سلامنا النفسي، سواء كان الأذى نفسي أو جسدي.لو بتواجه تحديات في علاقتك مع أهلك، الحلقة دي هتساعدك تبدأ في وضع حدودتحميكوتريحك.
كتاب أبي الذي أكره
ي الحلقة دي، بنتكلم عن العائلة السامة وتأثيرها علينا كبالغين. بنستعرض كتاب “أبي الذي أكرهه” للكاتب عماد رشاد عثمان، ونناقش كيف التجارب اللي عشناها كأطفال في عائلة سامة ممكن تسيب أثر عميق على حياتنا وشخصياتنا.هنحاول نفهم إزاي نواجه الماضي، نتصالح مع ذكرياتنا، ونشتغل على نفسنا عشان نكبر ونتحرر من تأثير التجارب دي
ضياع الشغف
الشغف حاجة جميلة، بس المعنى هو اللي بيخلينا نكمل… في الحلقة دي، بنتعلم إزاي نلاقي المعنى وسط ضغوط الحياة من خلال قصة شخصيةوأفكارملهمة
تلخيص كتاب من الذي حرّك قطعة الجبن الخاصة بي
في الحلقة دي، بنتكلم عن كتاب Who Moved My Cheese، القصة الرمزية اللي بتوضح إزاي نتعامل مع التغيير في حياتنا. إيه اللي بيحصل لما الجبنة اللي بنعتمد عليها تختفي؟ هل بنواجه الواقع وندور على بديل، ولا بنفضل واقفين مكاننا نستنى كل حاجة ترجع زي ما كانت؟حلقة مليانة أفكار عن التغيير، التكيف، والتعلم من التجارب. لو بتحس إن التغيير بيخوفك،الحلقةديليك!
القوامة
في الحلقة دي، بنناقش مفهوم الرجولة الحقيقي، بعيدًا عن الصورة النمطية اللي بيروج لها المجتمع. الرجولة مش صوت عالي ولا سيطرة ولا إنك تفرض رأيك على الناس اللي حواليك. الرجولة في الحقيقة هي أدب واحترام، إنك تكون مسؤول، تحترم زوجتك وأولادك، وتدير حياتك بشراكة وحكمة.“سي السيد” كان رمزًا للرجولة المتسلطة، لكننا النهارده بنقول: الرجولة الحقيقية هي في الاحترام والشراكة، مش في السيطرةوالصوتالعالي.
فن التعاسة ٢
في الجزء الثاني من “فن التعاسة”، نكشف تقنيات جديدة لضمان حياة مليئة بالتعاسة! من مقارنة نفسك بالآخرين، إلى العيش في الماضي، وصولًا لفن الشكوى المستمرة.لكن في النهاية، نذكرك أن السعادة اختيار… والتعاسة كذلك!دمتممتفائلين!
الرضا
في الحلقة دي، بنتكلم عن الرضا، وإزاي تبقى مبسوط باللي عندك بدل ما تقارن نفسك بالناس. بنشارك خطوات بسيطة وحكاية ملهمة تخليك تبدأ رحلتك للراحة النفسية والسعادة. حلقة مليانة تفاؤل ومناسبة لأي حد محتاجيبتسمالنهارده!
كتاب العادات الذرية
رحلة جديدة نحو تحسين حياتك عادةً بعد عادة! في ملخص كتاب العادات الذرية، هنتعرف على أسرار بناء العادات القوية والتخلص من العادات السيئة، خطوة بخطوة وبطريقة عملية. مستنيكم تسمعوا الحلقة وتبدأوا معايا في تغيير صغير لصناعة فرق كبير!
المرقعة
المرقعة أو التسويف، إزاي بنلاقي نفسنا دايمًا بنأجل كل حاجة عندنا، من الشغل للدراسة حتى دفع الفواتير! هنتكلم عن أسباب المرقعة: من خوف الفشل وحب الكمال، للمشاعر اللي حوالين المهام الصعبة. والأهم، هنعرف مع بعض إزاي نوقف العادة دي ونبدأ ننجز! لو بتحس إنك ملك المرقعة أو عايز تتخلص منها،الحلقةديليك!
"أسطورة الحاج متولي"
هنتكلم في حلقة النهارده عن أسطورة من أساطير الدراما المصرية واول بطل خارق في تاريخها وهو الحج متولي، هنتكلم عن الفرق بين الخيال اللي عيشنا فيه مع الحج متولي والواقع اللي كلنا عايشين فيه!
مراتك شريكتك
في الحلقة دي بنتكلم عن إن مراتك هي شريكة حياتك، مش حد يخدمك ويشيل عنك كل حاجة. بنناقش ليه مهم إن الرجالة تتربى من صغرها على المشاركة في البيت واعتمادهم على نفسهم، وإن الجواز مش بس فلوس، لكن فيه مسؤوليات تانية زي الدعم والمشاركة عشان الحياة تمشي صح.
ابويا ما بيعيطش
في الحلقة دي من “مواطن متفائل”، هحكي عن اللحظة اللي شفت فيها أبويا - الراجل الكبير والجامد اللي عمري ما تخيلت إنه ممكن يدمع - بعيونه دموع حقيقية. طول عمري كنت فاكر إن الرجولة معناها إن الراجل ما يضعفش وما يعيطش، ويمكن ده بسبب تأثير المجتمع اللي بيزرع جوانا فكرة إن الراجل لازم يكون قوي طول الوقت، وإن الدموع ضعف ما ينفعش يظهر. حلقة بتناقش الرجولة، المشاعر، وتأثير المجتمع اللي بيخلينا نكبت مشاعرنا عل
الراجل مبيعيطش
امي قالتلي الراجل مبيعيطش!انا مبعيطش وتعالي أقولك اناليهمبعيطش!
الجبل وائل الدحدوح
حلقة عن رمز من رموز الحرب على فلسطين، وائل الدحدوح، جبل غزة الصابر المحتسب!
اوعي تنسى فلسطين
لأول مرة محمود عبد المجيد مش هيقولك اتفائل!! لا هيقولك عن حقيقة الوضع فى فلسطين، وعن دورك دلوقتى بعد ١٠٠ يوم قصف وضرب على فلسطين...تابعالحلقة
كفاية
كفاية تنمية بشرية وكفاية كتب!! ايوه متستغربش انا اللي بقولك كفاية!!
الاهداف القاتلة
ما هو كل ما الاهداف تزيد كل ما كسرة النفس هتزيد! انا تعبت من كتر الاهداف انا هركز في عاداتي و مليش دعوة
فن التعاسة
انا قررت اسيبني من موضوع التفاؤل ده بقي خالص، وقررت ابقي انسان تعيس لاني زهقت من كتر ما الناس بتقولي محمود انت متفائل علي ايه؟! فقولت اجرب التعاسة شوية، يلا بينا نشوف ازاي نوصل للتعاسة….
الطيبة الزيادة
لو سألت اي حد في الكرة الارضية ايه اكبر عيب فيك هيقولك انا طيب بزيادة! بصدق الناس، اومال مين الناس التوكسيك مين الناس اللي بتخزوقنا، طب ازاي نتعامل مع الطيبة الزيادة!! ده اللي هنعرفه في الحلقه دي…
الثقة بالنفس
اكترنا اذا مكنش كلنا بنعاني من قلة الثقة بالنفس وانا واحد منكم ثقتي بنفسي كانت تحت الصفر، ولكن ادركت للحظة كده ان قلة ثقتي بنفسي بتخسرني فرص كتيرة اوي. بتعزلني عن العالم، فبدأت اتعلم ازاي اتعامل مع نفسي ومع افكاري وانا قدامكم دلوقتي اهو المواطن المتفائل، وهقولكم تجربتي وازاي بنيت ثقتي بنفسي في الحلقة دي...
الخوازيق
هي الخوازيق بتخلص؟ طب نتعامل معاها ازاي ده احنا حياتنا كلها خوازيق في خوازيق! نخرج من خازوق ندخل في التاني! نعمل ايه؟ده اللي هنعرفه في الحلقه دي :)
محدش بيصور خيبته!!
انا عندي 20، 30، 40 سنه ولسه محققتش حاجه!! اللي في سني بقوا اصحاب شركات وانا لسه محققتش اي حاجة!طب ايه اللي مفروض تحققه في السن ده؟ هو انت لازم تحقق حاجة اصلا؟ وهل لو محققتش اللي حققه غيرك تبقي فاشل؟ كل ده هنعرفه في الحلقة دي.....
العلاقات السامة - الجزء الاول
اكترنا عايش وسط ناس سامة (توكسيك) في بيئة العمل بقي أو الصحاب، دي بسيطة هنبعد عنهم وخلاص، طب لو أهلك هما اللي توكسيك لو والدك أو والداتك هما اللي سامين هل هنبعد عنهم؟ هنتعامل معاهم ازاي هنتخطي ده ازاي؟ ده اللي هنعرفه في الحلقة دي....
سرّ السعادة
ايه هو سرّ السعادة الحقيقية؟ ازاي تبقي سعيد في حياتك؟ياتري السعادة في الفلوس؟ يعني لو معاك فلوس هتبقي مبسوط هتبقي عايش عيشة سعيدة ولا ايه هو سر السعادة اللي بجد؟؟ ده اللي هنعرفه في الحلقة دي :)
الاهتمام مبيطلبش!؟
جملة كلنا بنسمعها وبنقولها من غير ما نفكر فيها! هو الاهتمام مبيطلبش فعلا؟ لا بيطلب عادي زيه زي اي حاجة تانية انت محتاجها بالطريقة اللي انت بتحبها بس ازاي نطلبه بقي ده اللي هنعرفه في الحلقة دي....
الحماس و حلاوة البدايات
خلاص مفيش حماس! مش قادر تكمّل في الحاجة الكان نفسك تعملها؟ ما طبعا عشان الحماس ده حلوه في البدايات لكن بعد كده المهم العادات، اسمع و هقولك ازاي.
الشغف
عنوان الحلقة: الشغف هو يعني ايه شغف؟ بيجي ازاي الشغف ده؟ هو مستمر، طيب اعمل ايه لو فقدت الشغف؟ كل ده اسئلة بتوصلني عن الشغف و في الحلقة هرد عليها كلها 💪🏼
ًأنا أولا
حط نفسك قبل أي حد تاني إنت أولا، عشان تعرف تحب وتساعد غيرك حب نفسك الاول، اهتم بنفسك ومتسمحش لأي حد يجي عليك، خلّي عندك حدود.
الصوت اللي في دماغي
الصوت اللي في دماغنا "صاحبنا الرخم" اللي معانا طول حياتنا موجود معانا حتي واحنا نايمينازاي نسيطر علي الصوت ده ونتعامل معاه صح؟
خلي بالك من زوزو
هو ايه العلاقة بين ضباط القوات الخاصة وجدتي ايه اللي يجمع بين الاتنين؟ازاي الواحد يقدر يستمر في حياته رغم كل المعاناة اللي هو عايش فيها، ازاي يقدر يكمل رغم كل الصعوبات وهو مش عايز يعمل حاجة، ازاي يقدر يتغلب علي المواقف الصعبة ويحقق نجاحات ويبقي عنده صلابة عقلية
احنا مش بهايم
احنا مش بهايم! حاسس أنك ضحية المجتمع والظروف ضحية الاهل والصحاب؟ دور الضحية اغلبنا بيعيش فيه من غير ما يحس، ولكن التغيير بايدك انت وبس الصعوبات كتير بس نفكر في الحل وازاي نعدي من الصعوبات دي، التغيير بيبدأ من عندك خطوة بخطوة وكما قال الله تعالي (إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ).
ابتسم
هو ايه اللي في الايام دي يخلينا نبتسم؟ ايه اهمية الابتسامة في حياتنا اصلا ؟الابتسامة مفتاح المحبة، هتخليك متفائل انت واللي حواليك لانها بتشحنك طاقة ايجابية، غير كل ده بقي فهي صدقة، وعلى رأي المثل "ان الابتسامة وان كانت تثري من يتلقاها فلا تفقر من يمنحها" يعني مش هتكلفك حاجة.ابتسموا احنا محتاجين الابتسامة الايام دي :)
حكاية المواطن المتفائل
مين هو المواطن المتفائل؟ وازاي بقي متفائل؟ رحلة طويلة مليانة حكايات مابين مصر وامريكا هنعرف الفرق بين التفاؤل والوهم، لو حاسس بتشاؤم وشايف الدنيا سودا يبقي انت في المكان الصح
