سنة اولى امومة
بودكاست «سنة أولى أمومة» تقدّمه د. نورهان، طبيبة أطفال وحديثي الولادة وأم، لتكون مرجعًا موثوقًا للأمهات في السنة الأولى من عمر الطفل. تناقش الحلقات موضوعات مثل الرضاعة الطبيعية، ورعاية المولود، ونوم الرضيع، والتغذية، والتطعيمات، ونمو الطفل، إضافة إلى المواقف اليومية التي قد تقابل الأم. تعتمد المعلومات على أحدث التوصيات العلمية والأدلة الطبية، مع لغة بسيطة ونصائح عملية قابلة للتطبيق. الهدف هو مساعدة الأم على الفهم والطمأنينة والثقة في قراراتها، لا معرفة كل شيء بل معرفة مصدر المعلومة الصحيح.
حلقات
الحلقة الخامسة | “البيبي بيرجع اللبن… ده طبيعي ولا ارتجاع؟” 🍼👶
“هو ليه البيبي بيرجع اللبن بعد الرضعة؟ هل ده طبيعي؟ ولا عنده ارتجاع ومحتاج علاج؟”من أكتر الحاجات اللي بتقلق الأم في الأسابيع الأولى إنها تلاقي البيبي بيرجع جزء من اللبن بعد الرضاعة، خصوصًا لو الموضوع بيتكرر أكتر من مرة في اليوم.في الحلقة دي هنتكلم عن الترجيع والارتجاع عند حديثي الولادة، وإيه الفرق بين الترجيع البسيط الطبيعي والقيء اللي ممكن يكون علامة محتاجة تقييم، وإزاي نساعد البيبي يقلل الترجيع
الحلقة الرابعة | “بينام طول النهار… وبيصحى طول الليل!” 🌙👶
“هو ليه البيبي بينام طول النهار، وأول ما الليل ييجي يصحى؟ هل كده نومه طبيعي؟ ولا أنا بعمل حاجة غلط؟”من أكتر الحاجات اللي بتتعب الأم في الأسابيع الأولى إن البيبي يكون هادي ونايم معظم النهار، وبمجرد ما الليل ييجي يبدأ يصحى كل شوية.في الحلقة دي هنتكلم عن نوم حديثي الولادة، وليه البيبي في البداية مش بيكون عنده فرق واضح بين الليل والنهار، وإزاي نساعده تدريجيًا إنه يكوّن نمط نوم مناسب.هتعرفي:● 💤 كام ساع
الحلقة الثالثة “الصفرا… إمتى أطمن؟ وإمتى أروح للدكتور؟”
الحلقة الثالثة | الصفرا… إمتى أطمن؟ وإمتى أروح للدكتور؟ 💛👶“البيبي لونه اصفر… دي صفرا عادية ولا في حاجة تقلق؟”الصفرا من أكتر الحاجات اللي ممكن تخوف الأم في أول أيام البيبي، خصوصًا لما تسمعي نصايح كتير ومختلفة من كل اللي حواليكي.في الحلقة دي هنتكلم ببساطة عن الصفراء عند حديثي الولادة، وإيه اللي يعتبر طبيعي، وإيه العلامات اللي تستدعي تقييم طبي.هتعرفي:إمتى بتظهر الصفرا الطبيعية، وإيه سببها؟هل كل صفرا
الحلقة الثانية | هو بيعيط ليه؟ وأنا عملت كل حاجة! 😢👶
البيبي رضع، غيرتيله الحفاض، حضنتيه، ولسه بيعيط… طبيعي جدًا تسألي نفسك: “هو ماله؟”في الحلقة دي هنتعلم إزاي نفهم البكاء، لأنه وسيلة البيبي الوحيدة للتواصل، ومش كل بكاء معناه جوع.هنتكلم عن:* الأسباب الشائعة لبكاء حديثي الولادة.* إزاي تفرقي بين بكاء الجوع، والتعب، والمغص، والرغبة في الاحتضان.* هل تعويد البيبي على الشيل بيفسده؟* إمتى يكون البكاء طبيعي، وإمتى يكون علامة تستدعي مراجعة الطبيب؟* خطوات عملي
الحلقة الأولى | هو البيبي شبع؟ علامات تعرفك إنه بياخد كفايته من الرضاعة
الحلقة الأولى | هو البيبي شبع؟ 🤱💛من أول يوم بعد الولادة، يمكن ده يكون أكتر سؤال بيدور في بال كل أم: “هو البيبي شبع؟”في الحلقة الأولى من “سنة أولى أمومة” هنتكلم عن العلامات العلمية اللي تطمنك إن طفلك بياخد كفايته من الرضاعة، وإزاي تفرقي بين الطبيعي واللي يحتاج متابعة، من غير ما تعتمدي على التخمين أو النصايح المتضاربة.هنتكلم عن:* هل البكاء معناه دايمًا إن البيبي جعان؟* هل الرضاعة المتكررة معناها إن
️أهلا بيكى فى "سنة اولى امومة🤱🏻" 🎙️
أهلًا بيكِ في “سنة أولى أمومة”. 💕أنا د. نورهان، طبيبة أطفال وحديثي الولادة، وأم.عارفة إن أول سنة مع البيبي مليانة مشاعر متلخبطة، فرحة، وتعب، وأسئلة كتير، وكل يوم ممكن تسمعي عشر نصايح مختلفة وتحتاري مين فيهم الصح.علشان كده عملت البودكاست ده، علشان يكون مساحة آمنة، تلاقي فيها معلومات طبية موثوقة، مبنية على أحدث التوصيات العلمية، لكن بلغة بسيطة، ومن غير تخويف أو لوم.في كل حلقة هنتكلم عن الرضاعة الطبي
