خيال"... سرمد الحكايات في نوادر المخطوطات"
هذا البودكاست يروي قصة طويلة ذات فروع كثيرة، تمزج بين العبر والخيال والفانتازيا. تدور الأحداث حول الإنس والجان، الملوك والملكات، الفرسان والأميرات، المنجمين والسحرة، بالإضافة إلى مخلوقات أسطورية. القصة تجري في أزمنة وعوالم مختلفة يحكمها السحر، ضمن إطار فانتازي واضح وبسيط.
حلقات
.الحلقة السابعة عشرة: حكاية الأمير "نديم" والصبية "شادن" – قصة أرض بين الممالك: نبوءة الأحجار السحرية – الجزء التاسع
الأمير "نديم" خلاص قرب من الحجر الأخضر، والنهارده هنعرف الخطة اللي أميرنا الشجاع هيحاول ينفذها بمساعدة "كرمان" السمهاري.يا ترى إيه اللي هيحصل في مملكة "وادي السند"؟ وإيه اللي مستني الأمير "نديم" عند الملك "أشور"؟وهل الخطة هتنجح، ويقدر الأمير يوصل للحجر الأخضر؟تعالوا بينا بسرعة ندخل عالم "خيال" والمغامرة، ونعيش مع الأمير "نديم" ف
.الحلقة السادسة عشرة: حكاية الأمير "نديم" والصبية "شادن" – قصة أرض بين الممالك: نبوءة الأحجار السحرية – الجزء التامن
حلقتنا النهارده فيها مغامرة كبيرة هيعيشها الأمير "نديم"، مغامرة هتطلعه على جبل غريب، وسط مخلوقات أغرب... جماعة "السمهاريين".يا ترى مين هم "السمهاريين"؟ وإيه اللي مستني الأمير "نديم" ورا الجبل الغريب؟تعالوا بينا نعيش المغامرة مع أميرنا الشجاع، ونشوف هيعمل إيه في الرحلة اللي كل خطوة فيها بتقربه من الحصول علي حجر من الأحجار السحرية...
.الحلقة الخامسة عشرة: حكاية الأمير "نديم" والصبية "شادن" – قصة أرض بين الممالك: نبوءة الأحجار السحرية – الجزء السابع
الحجر السحري الأول اتحصل عليه... ودلوقتي جه الدور على الحجر السحري اللي بعده..... الأمير "نديم" هيسيب القدر ياخده في طريق جديد، طريق هيوديه لمملكة من ممالك "أرض بين الممالك"، مملكة جديدة بكل أسرارها ومفاجآتها.يا ترى إيه اللي مستني الأمير "نديم" هناك؟ وإيه الحكاية اللي مخبياها المملكة الجديدة؟ وهل هيقدر "نديم" ومعاه الهجين "مشيش" يكملوا مهمتهم ويحصل
.الحلقة الرابعة عشرة: حكاية الأمير "نديم" والصبية "شادن" – قصة أرض بين الممالك: نبوءة الأحجار السحرية – الجزء السادس
بعد ما نجا الأمير "نديم" من إيدين "هوازن" المجنون، قدر أخيرًا يكمل طريقه ناحية مملكة الملك "دحمان"... لكن للأسف، مقابلة الملك مش هتكون بالسهولة اللي كان متخيلها!يا ترى إيه اللي مستني أميرنا الشجاع جوه المملكة؟ وهل هيقدر يوصل للملك "دحمان" وينفذ مهمته؟والأهم من ده كله... إيه هي الخطة اللي حضرها الأمير "نديم" مع المنجّم "ضبي"؟تعالوا نشوف إي
.الحلقة الثالثة عشرة: حكاية الأمير "نديم" والصبية "شادن" – قصة أرض بين الممالك: نبوءة الأحجار السحرية – الجزء الخامس
في الحلقة دي الأمير "نديم" هيكمل طريقه في أرض التلج، في رحلته للوصول للملك "دحمان". لكن في الطريق هيقابل شخص غريب، وراه سر أغرب بكتير مما يتخيل. يا ترى مين الشخص ده؟ وإيه السر اللي مخبيه؟ وإيه اللي مستني صاحب الإمارة في طريق التلج؟تعالوا معايا نعرف ونعيش اللي هيعيشه الأمير "نديم" في رحلته وسط التلج والأسرار، ونكمل سوا مغامرتنا في أرض بين الممالك.
.الحلقة الثانية عشرة: حكاية الأمير "نديم" والصبية "شادن" – قصة أرض بين الممالك: نبوءة الأحجار السحرية – الجزء الرابع
ي حلقة النهارده هنعرف المنجّم "ضبي" هيوري إيه للأمير "نديم"، وهنكتشف أسرار جديدة، وأدوات سحرية ليها قدرات عجيبة وقوة ماحدش كان يتخيلها.ودي مش مجرد حلقة جديدة... دي بداية المغامرة الحقيقية. بداية رحلة البحث عن الأحجار السحرية، اللي متفرقة بين ممالك "أرض بين الممالك".....تعالوا معايا نغوص أكتر في بحر الخيال، ونبدأ مع بعض أول خطوة في أكبر مغامرة شهدتها أرض بين الممالك.
.الحلقة الحادية عشرة: حكاية الأمير "نديم" والصبية "شادن" – قصة أرض بين الممالك: نبوءة الأحجار السحرية – الجزء الثالث
في حلقة النهارده هنشهد بداية صداقة جديدة بين الأمير "نديم" والهجين "مشيش"، صداقة هتكون ليها تأثير كبير على رحلتهم، وهتمتد معانا في أحداث كتير جاية.وكمان هنتعرف على شوية أسرار وتعليمات مهمة هيقولها المنجّم "ضبي"، وهو بيجهز الأمير "نديم" للرحلة الأخطر في حياته... رحلة البحث عن الأحجار السحرية، اللي متفرقة بين الممالك المختلفةتعالوا معايا نعيش حلقة جديدة مليانة
الحلقة العاشرة: حكاية الأمير "نديم" والصبية "شادن" – قصة أرض بين الممالك: نبوءة الأحجار السحرية – الجزء الثاني
في حلقة النهارده هنعرف حكاية المنجّم "ضبي"، وهنكتشف إيه هي الأحجار السحرية، وليه الأحجار دي هي مفتاح السلام في عالم "أرض بين الممالك".وهنعرف كمان إيه اللي حصل وخلى الموت والدمار يسيطروا على الأرض ديه ، وإيه السر اللي قلب حياة أهلها بالشكل ده ؟يا ترى الأمير "نديم" هيقدر يساعد المنجم "ضبي" وينقذ الأرض من مصير الخراب ؟ ولا القدر مخبي له اختبار أصعب مما يتخيل؟
الحلقة التاسعة: حكاية الأمير "نديم" والصبية "شادن" – قصة أرض بين الممالك: نبوءة الأحجار السحرية – الجزء الأول
في الحلقة دي هنتعرف على شخصية جديدة، شخصية هيكون ليها دور كبير في مجرى الحكاية. مغامرة الأمير "نديم" المرة دي مختلفة عن أي مغامرة فاتت. أرض غير الأرض، وعالم غير العالم... "أرض بين الممالك". يا ترى القدر مخبي ايه لأميرنا أبو قلب أبيض؟وهل الرحلة اللي بدأها وهو فاكر إنها مجرد مهمة سهلة، هتكون بداية لأكبر مغامرة في حياته؟ تعالوا معايا نعيش فصل جديد من الخيال…
"الحلقة التامنة: حكاية الأمير "نديم" والصبية "شادن" – قصة لعنة مدينة "المكير
حلقتنا النهارده فيها مغامرة خطيرة هيعيشها الأمير "نديم" وسط البحر الواسع، رحلة جديدة هتقوده لميعاد ماكانش يتوقعه، ولقاء مع قدر مكتوب من زمان.يا تري إيه اللي مستني الأمير في رحلته وسط الموج ؟ تعالوا بينا نعيش مغامرة جديدة مليانة غموض، وسحر، وأحداث هتغير مجرى الحكاية....
الحلقة السابعة: حكاية الأمير "نديم" والصبية "شادن" – قصة التوأمان "غيمان" و"هيمان" سادة البحار – الجزء التالت
الحلقة دي هتكشف لينا السر ورا سطوة وقوة الأخين "غيمان" و"هيمان"، السر اللي خلى كل بحارة بحر "أسيف" الواسع يتكلموا عنهم ويعتبروا إن مفيش حد يقدر يقف قدامهم.يا ترى إيه اللي هيحصل لـ"غيمان" وأخوه "هيمان"؟ تعالوا بينا نسمع الحلقة، ونعيش اللي عايشه الأمير "نديم" في رحلته الطويلة إلى جزيرة "الألابام". يلا بينا نغوص أكتر في بحر الخيال.
الحلقة السادسة : حكاية الأمير "نديم" والصبية "شادن" - قصة التوأمان "غيمان" و"هيمان" سادة البحار – الجزء التاني
الحلقة دي هتاخدنا أكتر لقصة جوا حكايتنا، حكاية الأخين التوأم "غيمان" و"هيمان"، اللي بحارة بحر "أسيف" بيعتبروهم سادة البحار.هنتعرف أكتر على جزيرة "السهام"، وهنشوف إيه اللي هيحصل للأخين وباقي طقم السفينة في رحلتهم. وكمان هنتعرف على مخلوقات غريبة، وعلى جماعة أقرب للإنس لكن ليهم أسرار وطبيعة مختلفة عن أي حاجة شوفناها قبل كده.يا ترى إيه اللي مستني أبطال الحكاية ف
الحلقة الخامسة: حكاية الأمير "نديم" والصبية "شادن" - قصة التوأمان "غيمان" و"هيمان" سادة البحار – الجزء الأول
الحلقة دي هتاخدنا لقصة جوا حكايتنا، حكاية الأخوين التوأم "غيمان" و"هيمان"، اللي بحارة بحر "أسيف" بيعتبروهم سادة البحار من غير منازع.هنعيش القصة دي مع الأمير "نديم" وهو على متن المركب، في رحلته الطويلة لجزيرة "الألابام" علشان يحصل الطلسم العجيب.يا ترى إيه سر التوأمين؟ وإزاي بقوا أساطير بتتردد حكاياتهم بين البحارة؟ وإيه اللي مستني الأمير "نديم&q
"الحلقة الرابعة: حكاية الأمير "نديم" والصبية "شادن
في الحلقة دي هنعرف إزاي السحر هينقلب على الساحر، وهنشوف إزاي إن قوة الحب ممكن تكون أقوى من السحر والجان , و يا ترى هيعمل إيه الأمير الذكي والشجاع "نديم" بعد ما عرف الحقيقة الكاملة عن الصبية "شادن" بنت الجنية؟وهل هتفرق الحقيقة بينهم؟ ولا هتخليهم أقوى من أي وقت فات؟تعالوا بينا نغوص أكتر في بحر الخيال، ونكتشف أسرار جديدة، ومفاجآت ماكنش حد يتوقعها.يلا بينا نكمل الحكاية…..
"الحلقة الثالثة : حكاية الأمير "نديم" والصبية "شادن
في حلقة النهارده هنشوف إيه اللي هيعمله اللعين "زاهاك" علشان يخلص من الصبية "شادن"، وكمان هيعمل إيه مع عارف الأسرار "أمرفاز" النساخ.الخطة مرسومة بدقة… كلها سحر، وخداع، وشر ملوش حدود. لكن يا ترى… هل هيقدر "زاهاك" ينفذ اللي في باله؟ولا القدر مخبي مفاجآت تانية؟تعالوا بينا بسرعة نعرف إيه اللي هيحصل مع الأمير الشجاع "نديم"، في مواجهة قدر هو مالوش أي يد ف
"الحلقة الثانية : حكاية الأمير "نديم" والصبية "شادن
تعالوا بينا نعرف إيه اللي هيحصل بين الأمير "نديم" والصبية "شادن"،وإيه اللي ممكن يعمله الساحر اللئيم "زاهاك" والملكة "شفق السماء" لما يوصلهم خبر الحب اللي بدأ من أول نظرة بين الأمير وبنت الجنية.هل هيسيبوهم يعيشوا حكايتهم؟ولا هينسجوا خططهم الشريرة علشان يفرقوا بينهم؟تعالوا نعيش أكتر جوه الحكاية، ونبدأ رحلة جديدة مليانة سحر، وأسرار، ومغامرات جوا عالم من الخيال.
"الحلقة الأولى : حكاية الأمير "نديم" والصبية "شادن
في الحلقة دي هنتعرف على الأمير الوسيم الشجاع "نديم"، وريث عرش مملكة "بيسان".الأمير اللي الملكة "شفق السماء" لفت الدنيا شرق وغرب علشان تجيبه للدنيا، واللي من يوم ما اتولد و القدر مخبيله طريق غير اي حد تاني.وكمان هنتعرف على قمر مملكة "بيسان"، البنت "شادن"، النص إنسية ونص جنية، واللي وراها أسرار محدش يعرفها.بس يا ترى… القدر مخبي إيه للأمير المحبوب؟ و
مقدمة الموسم الثاني
أهلاً بيكم في الموسم التاني من بودكاست "خيال"، سرمد الحكايات في نوادر المخطوطات.الموسم ده أقوى وأعمق من الموسم الأول، لأن المغامرة المرة دي بطلها هو وليد الموسم الأول, و كمان القصة هتدور وسط عالم ضخم مليان فروع وحكايات متشابكة، قصص بتحصل في أزمنة مختلفة وعوالم غريبة وخارجة عن المعروف لينا.تعالوا معايا في مغامرة جديدة مليانة خيال وفانتازيا، تعالوا نغوص سوا في عالم فريد، ونقضي وقت مختلف بي
الحلقة الخامسة عشر: حكاية الملكة "شفق السماء" و الساحر "زاهاك بن أهنسيا"- قصة الفتى "أمرفاز" و الجنية “أفنان” - الجزء التاني
حلقة النهاردة هي الحلقة الأخيرة من الموسم الاول من بودكاست "خيال" وكمان آخر حلقة من حكاية الملكة "شفق السماء" مع ساحرها "زاهاك". في الحلقة هنعرف ازاي الجنيه "افنان" هتوصل لبيضة طائر "الهوما" و ايه اللي هيحصل لما الملكة تملك التلات طلبات و كمان هنعرف اكتر عن العلاقة بين الفتى "أمرفاز" و الجنيه الفاتنه "أفنان"حلقة النهاردة هترسم ط
الحلقة الرابعة عشر: حكاية الملكة "شفق السماء" و الساحر "زاهاك بن أهنسيا"- قصة الفتى "أمرفاز" و الجنية “أفنان” - الجزء الأول
في حلقة النهاردة هنتعرف على فصيل جديد من الجان و هنتعرف كمان علي اميرة من أميراته. تعالو نعيش قصة جديدة بطلها مساعد غلبان بس ذكي جدا. القصة دية هتلعب دور في حكايتنا الحالية و حكاوي جايه كتير.
الحلقه الثالثة عشر: حكاية الملكة "شفق السماء" و الساحر "زاهاك بن أهنسيا"- مغامرة "شمس الدين" و السبع ليالي - الجزء الرابع
في الحلقه ديه هنعرف ايه اللي هيحصل مع "شمس الدين" و الملكة "شفق السماء" زز هل هيقدر يوفي بكلامه و يجيب فاكهة الشجرة المسحورة و لا المارد "الاجدع شيصبان" هيخلص عليه ؟ تعالو نعرف اخر جزء من مغامرة "شمس الدين" و نعيش معاه الحكاية..
الحلقه الثانية عشر: حكاية الملكة "شفق السماء" و الساحر "زاهاك بن أهنسيا"- مغامرة "شمس الدين" و السبع ليالي - الجزء التالت
في الحلقة ديه هنعرف حيلة "شمس الدين" اللي خططلها مع "وردشاه" علشان ينقذ والدها العراف "نور الهدي" من قبضة المخلوق اللي اسمه " النسناس"... تعالو نعيش مغامرة مع "شمس الدين" و نستخدم أدوات سحرية اللي منكم يعرفها و اللي منكم ميعرفهاش.
الحلقه الحادية عشر: حكاية الملكة "شفق السماء" و الساحر "زاهاك بن أهنسيا"- مغامرة "شمس الدين" و السبع ليالي - الجزء التاني
حلقة النهارده بتدور خلال الليالي السبعه في مغامرة "شمس الدين" و فيها هيعرف اكتر عن المخلوق "بوداريا" جني البحر. و في الحلقه ديه هنكمل مغامرته علي جزيرة "سراي" و هنعرف ايه قصة اختفاء العراف "نور الهدي" و ازاي "شمس الدين" هيوصله.
الحلقه العاشره: حكاية الملكة "شفق السماء" و الساحر "زاهاك بن أهنسيا"- مغامرة "شمس الدين" و السبع ليالي - الجزء الاول
في الحلقه ديه هنعرف اللي هيدور بين "شمس الدين" و "بكسان البلان" صاحب حمام "المسك" و كمان هنعرف أكتر عن خطة "شمس الدين" في انه يحصل فاكهة الشجرة المسحوره. تعالو معايا نخوض مغامرة لا علي البال و لا علي الخاطرونقاتل مخلوق اسطوري جديد في قلب البحر.
الحلقه التاسعه: حكاية الملكة "شفق السماء" و الساحر "زاهاك بن أهنسيا"- مغامرة الفتي "دينار" وكائن "الشادافار- الجزء التاني
تعالو في الجلقه ديه نعرف هيعمل ايه "دينار" في مواجهة الوحش الاسطوري, و كمان نعرف ازاي "قطرة الندي" هتساعده يتكتبله عمر جديد. كمان في الحلقه ديه هتاخدنا الحكاية من تاني للصبيه "بدر البدور" و :شمس الدين" الفتي الوسيم.
الحلقه التامنه: حكاية الملكة "شفق السماء" و الساحر "زاهاك بن أهنسيا"- مغامرة الفتي "دينار" و كائن "الشادافار"- الجزء الأول
في الحلقه ديه هنتعرف علي الطلبات التلاته اللي هتقولهم العرافه "سرافس" و كمان هنعرف اكتر عن خطة الملكه "شفق السماء" في جمعهم. و هنتعرف علي الفتي "دينار" و مغامرته في مواجهة كائن "الشادافار" الأسطوري.
الحلقه السابعه: حكاية الملكه "شفق السماء" و الساحر "زاهاك ابن أهنسيا"- الجزء التالت
في الحلقه هتقدرو تعرفو اكتر عن مصير المسحورة "تاج الحسن" و هتعرفو ازاي هتصبح الملكه "شفق السماء". و كمان مع بعض هنغوص في حكايات الغابه و نسمع خطة الساحر الملعون "زاهاك" و ازاي قدر يخطط انه يخدع الملك "شهد الزمان"
الحلقه السادسه: حكاية الملكه "شفق السماء" و الساحر "زاهاك ابن أهنسيا" - الجزء التاني
فالحلقه احداث خطيرة و فيها هنتعرف علي المطلوب تعمله "تاج الحسن" بطلب من الساحر اللعين "زاهاك" علسان تتحول لصبيه جميله.. تعالو بينا نعيش شوية خيال ممزوج مع حبة تشويق.
الحلقه الخامسه: حكاية الملكه "شفق السماء" و الساحر "زاهاك ابن أهنسيا"- الجزء الاول
الحلقه بتدور في صندوق ذكريات الملكه "شفق السماء" أيام ما كانت بنت لحطاب و كان اسمها و شكلها علي حال غير الحال!! تعالو نعيش لحظات من الغموض الممزوج بشوية خيال و نتعرف علي الربط بين الصبيه في الذكريات و الساحر "زاهاك ابن أهنسيا"
الحلقه الرابعه: حكاية "بدرالبدور" و الشجرة المسحورة- الجزء الرابع
في الحلقه هتعرف ايه اللي هيحصل مع "بدرالبدور" و هل هتقدر الصبيه "نوارة" انها تفك سحر المارد و ترجعها انسيه من تاني ؟ و ايه يا تري دور الفتي "شمس الدين" ؟! تعالو نسمع و نعيش شوية خيال
الحلقه التالته : حكاية "بدرالبدور" و الشجرة المسحورة - الجزء التالت
في الحلقه هنعرف ايه اللي هيحصل مع الصبيه "بدرالبدور" المسحوره في صورة غزاله و كمان هنعيش صراع الفتي "شمس الدين" مع جنية المايه.
الحلقه التانيه : حكاية "بدرالبدور" و الشجرة المسحورة - الجزء التاني
في الحلقه هنشوف ايه اللي هيحصل "لبدرالبدور" و الصياد "ابو الفوارس" جوا غابة مملكة "بيسان"
الحلقة الاولي: حكاية "بدرالبدور" و الشجرة المسحورة- الجزء الاول
حكايتنا بتحصل في مملكة اسمها "بيسان"، وبتدور حوالين "بدرالبدور"، بنت "عم مندور" الخبّاز. تعالوا نغوص سوا في بحر الخيال، ونعيش حكاية يمكن تحسّوا إنكم عارفينها… بس اللي متأكد منه انكم عمركم ما سمعتوها بالشكل ده قبل كده!!
مقدمة بودكاست خيال
اهلا بيك في بودكاست خيال، هنا هناخدك في رحلات سحرية بين العوالم الخيالية والقصص الغامضة. استمع إلى حكايات متتنسيش، ومغامرات تنقلك لعالم مختلف في كل حلقة. تابعنا علشان تعيش لحظات من الخيال، الدهشة، والمغامرة.
