تحت الضغط
بودكاست هدفه مناقشة ودردشة ف المشاكل اللي بيقابلها مصممين الجرافيك والفنانين في المجتمع من مشاكل نفسية وحياتية بيقابلوها كل يوم ومحدش بيفهمهم. البودكاست مش بيناقش مهارات أو اساليب في التصميم، ده بيتكلم عن حياتنا وحالتنا مع المصمم اكرم وليم.
حلقات
الحلقة ١٧# : فاشل ولكن
هل الطبيعي أبقى فاشل في أول طريق شغلي؟ هل المفروض أبقى زي حد معين في نظر الناس عشان اسمي نفسي ناجح؟ إيه انواع الفشل؟ هل بتأثر على الناس اللي بشتغل معاها؟
الحلقة ١٦# : عايز اتشاف
هو ليه شغلي مبقاش يتشاف زي الأول؟ ولا هو ماكانش بيتشاف أصلا؟ طب أعمل إيه عشان اصلح ده؟ هو في حاجة بتخلي شغلي مايظهرش كويس للناس؟
الحلقة ١٥# : عن الشغف والاستمرارية
إيه اللي بيخلي الواحد يكمل سنين كتير من عمره في المجال؟ هل الحفاظ على الوظيفة فقط ولا فيه عوامل تانية؟ هل بنتطور مع السنين ولا لأ؟ ولو لأ إيه الحال؟
الحلقة ١٤#: المسئولية الصناعية
الإعتماد على أدوات الذكاء الاصطناعي في مصلحة المصمم ولا لأ على المدى البعيد؟ هل في مسئولية في استخدام الأدوات الجديدة ؟
الحلقة ١٣#: العملة الصعبة
امتى الواحد ياخد قرار أنه يسافر عشان مستقبلة؟ امتى أقول أنا اقدر أسافر؟ هل ظروفي تسمح ولا لأ؟ وهل السفر ليا أصلا؟
الحلقة ١٢#: أخر التنك
.الإحتراق الوظيفي, إزاي مش بنحس بيه بس ممكن يؤدي لنهاية شغفنا من غير مانحس
الحلقة ١١# : الهوية الشقية
صعب أوي أنك تفصل حياة المصمم الشخصية عن حياته المهنية، و دي في حد ذاتها حاجة مضرة لو زادت عن حدها
الحلقة ١٠# : مزرعة كتاكيت
إتخرجنا و قعدنا على القهوة و بنفكر نفتح مشروع، مزرعة كتاكيت؟ ولا نعمل شركة سوشيال ميديا؟ ولا نطبع تي شيرتات؟ ولا نقعد في البيت؟
الحلقة ٩# : تلميذ الا ربع
المصممين دايماً بيتعلموا، ساعات بيمشوا صح، ساعات غلط و ساعات بيتشتتوا زيادة عن اللزوم
الحلقة ٨# : مش توكسيك
الشغل في بيئة صحية هل هو أسطورة؟ البيئة الصحية بتبقى عاملة إزاي؟ احنا ممكن نكون توكسيك واحنا مش عارفين؟
الحلقة ٧# : صدمه ثقافية
هل كل الناس في الشغل عندهم نفس اهتماماتي؟ هل احنا شبه بعض ولا لأ؟ الناس دي أقدر أقول عليها أصحابي ولا أخاف؟
الحلقة ٦# : إبن الشركة
هل تجربة الشغل في شركة دي تستاهل؟ طب هي ولا الفريلانس أحسن؟ هل الشغل في شركة ممكن يضيف مزايا ليا في الشغل؟
الحلقة ٥# : حوار صريح
هو المفروض أعمل إيه بالضبط في الانترفيو؟ طب أعمل حاجات معينه؟ طب هو أنا عكيت الدنيا جوه كده ولا إيه؟
الحلقة ٤# : مصمم مش حر
إيه هي التحديات اللي بتقف قدام الفري لانسر؟ وإزاي المفروض اشتغل صح كمصمم حر؟ هل أنا ماشي صح ولا بضيع فرص شغل؟
الحلقة ٣# : ماتقوليش يا فنان
هل احنا كلنا مصممين فعلا؟ ولا احنا نزلنا فوتوشوب وقررنا أن ده شغلنا الجديد خلاص؟ طب أنا مصمم ولا فنان؟
الحلقة ٢# : بالساعة ولا بالكيلو؟
المفروض لو هسعر الخدمة بتاعتي تبقى بكام؟
ناس بتاخد أرقام كبيرة اوي, وناس العكس و احنا تايهين في النص
الحلقة ١# : التخبيط علينا حق
عارف التوهان والتخبيط اللي كنت بتعمله أول ماابتديت؟ إنت مش لوحدك, التخبيط في كل حاجة بنحبها حق علينا كلنا
