فرط حركة
بودكاست شخصي يتناول رحلة الكاتبة مع اضطراب فرط الحركة ونقص الانتباه (ADHD)، حيث تشارك تجاربها قبل وبعد التشخيص، وكيفية التعامل معه كأم جديدة. تهدف الحلقات إلى كشف القناع عن هذا الاضطراب وتقديم الدعم للمستمعين الذين يعانون منه.
حلقات
Episode 9: Rejection sensitivity in ADHD😭 | متبقاش حساس كدة
كان بيتقالك دايما انت حساس اوي كدة ليه؟ او في مواقف كتير و ردود فعل من ناس في حياتك بتخليك عايز تعيط من الكسوف؟ او تلوم نفسك علي رد فعلك التلقائي عشان حسيت انك كنت اوڤر اوي؟ دي حاجة اسمها الحساسية تجاه الرفض الRSD 😭 هنتكلم عنها و نعرف ازاي نقلل الشعور دة.
Episode 8: ADHD & feeling behind in life💭 | السبب الحقيقي ورا احساس انك دايما متأخر
كأن المجتمع راسم خطة موحدة لينا كلنا اننا لازم نكون حققنا حاجات كتير زي الجواز و الخلفة و الشغل قبل سن معين، بس دي مش دايما الخطة الأنسب لينا و لمخ حد عنده ADHD. في الحلقة دي هتكلم معاكوا عن اسباب احساسنا باننا متأخرين في الحياة و هل دي حقيقة؟ و ازاي نتعامل مع الاحساس دة ☕️
Episode 7: ADHD medications are they worth it?!💊 | تجربتي مع الدوا
مهم جداً انك تتشخص عشان ساعتها هيكون عندك الاختيار انك تاخد الدوا او تتعلم انك تعيش منغيره. في الحلقة دي اتكلمت عن تجربتي مع الدوا و مزايا التشخيص في المدارس و الجامعات و في العلاقات اللي في حياتك.
Episode 6: Things i love about my adhd brain💌 | في حب فرط الحركة
مخك بيشتغل بشكل مختلف و مميز، مش كله وحش، في عندنا قدرات خارقة زي فرط التركيز علي الحاجات اللي بنحبها و الشخصية الفرفوشة اللي بتطلع مع الناس الصح. في حلقة النهارده هخمن حاجات عن شخصيتك و متأكدة انها صح😎
Episode 5: ADHD & friendships🤷🏻♀️ | اصحاب انا و انت ولا؟
هو ليه صعب علينا نحافظ علي الصداقات اللي في حياتنا؟ بنعرف نعمل صحاب بس مش سهل يفضلوا موجودين .. و دة له اسباب كتير هتكلم عنها .. احنا مش اصحاب وحشين بس محتاجين ناس low maintenance و مش قفوشين 🥸
Episode 4: Why i hate Summer🥵 فرط حرررر-كك
عندي اكتئاب ما قبل الصيف! هو انا ليه بكره الساحل و الحر اوي كدة! و ليه اللي عندهم ADHD بيعانوا في المصيف مع انهم لذاذ و بيحبوا لمة الصحاب؟ حلقة لذيذة اوي عن "مشاكل عالم اول" بتواجهنا 🤡 شغلوا التكيف و انتوا بتسمعوا
Episode 3: ADHD ++ ⚡️👀 اعراض ماحدش بيتكلم عنها
اصل الadhd مش بس فرط حركة و تشتت في الانتباه.. في اعراض تانية كتير مش دايماً الناس بتتكلم عنها و ليها تأثير كبير علي حياتنا! تعالوا أحكيلكم عن عمي الوقت و الماسكينج 🎭 و شوية حاجات تانية..
Episode 2: How I met my ADHD | ازاي و امتي عرفت ان عندي فرط حركة
و اخيراً اتشخصت! في حلقة النهاردة هحكي عن أصعب فترة مريت بيها بعد الولادة و ازاي الأمومة كانت نقطة البداية في تشخيصي بال ADHD. مشاعر كتير و لخبطة و خوف و كلام عميق
Episode 1: Life before diagnosis | الحياة قبل التشخيص
هاي، انا رولا و عندي فرط حركة. أول حلقة هتكلم فيها عن شكل حياتي قبل التشخيص من و انا صغيرة لحد ما بقيت ٣٠ سنة. تشكيلة من مواقف مضحكة و افكار كتيرة و تصرفات عشوائية و اخيراً فهمت ليه!
