Ahlan - أهلًا
في بودكاست أهلًا، نلتقي بأشخاص عاديين قد تعرفهم أو لا، ونتعمق في قصصهم لنرى كيف تشكلت حياتهم. نستعرض ضعفهم قبل قوتهم، وحيرتهم قبل حكمتهم، وفشلهم قبل إنجازاتهم، لنشهد يد الخالق المبدع في قصتهم الفريدة. كل حلقة هي تأمل في الإناء طور التشكيل، مع دعاء أن يكلمنا الله من خلال كل لقاء.
حلقات
أهلًا مودي محروس | Ahlan Moody Mahrous - Guest 48
في الحلقة دي بنتعرف أكتر على مودي محروس، مرنم وقائد تسبيح في الكنيسة الإنجيلية بقصر الدوبارة، ومن قادة الخدمة بالرياضة، ربنا بيستخدمه في تلمذة الشباب وخدمة حياتهم وقيادة شعب الرب في الدخول لمحضره بالتسبيح والعبادة..بيتكلم معانا علاقته بوالده وتأثيره في إدراك أبوة الله، وعن أكتر السمات الشخصية اللي كانت محتاجة شغل إلهي، وكمان أكتر الأوقات الصعبة اللي الرب استخدمها في تشكيله الشخصي، ومنها الخدمة الع
أهلًا رنده عريضة | Ahlan Randa Arida - Guest 47
في الحلقة دي بنتعرف أكتر على رنده عريضة، مرنمة أردنية الأصل خدمت بالتسبيح من صغرها، ابتدت في فريق ألحان الرجاء ولما انتقلت للعيش في مصر خدمت في فريق الحياة الأفضل بالترنيم وقيادة التسبيح والمشاركة بالتأملات الروحية المؤثرة..بتشاركنا بأهم الاختبارات من طفولتها وشبابها، مرورًا بأصعب الأيام اللي استخدمها الرب في تشكيلها ومنها سلسلة من فقد الحبايب، وبتكلمنا كمان عن ارتباطها بماجد عادل وتأثيره عليها.
أهلًا فيليب بشاي | Ahlan Philip Beshay - Guest 46
في الحلقة دي بنتعرف أكتر على فيليب بشاي، خادم ومعلم لكلمة الله، من مواليد محافظة أسيوط وهناك ابتدا شغله وخدمته. واتحرك خدم سنين في محافظة الغردقة، وبعدها في دولة الكويت..بيحكي معانا بدايات اهتمامه بالكتاب المقدس وبالتفسير والتأمل فيها، وأهمية التواجد مع كنيسة محلية وجسد روحي، وأصعب الأوقات اللي مرت عليه وكان ليها دور في تشكيله الشخصي.
أهلًا إيهاب فاروق | Ahlan Ehab Farouk - Guest 45
في الحلقة دي بنتعرف أكتر على إيهاب فاروق، خادم أطفال وكاتب وملحن العديد من ترانيم الأطفال في مطلع الألفية الجديدة زي طول ما الشمس، الرب معايا أنا مش قلقان، رجلك اليمين، أنا سامع مزيكا حلوة وغيرها، في ألبومات "توني وتمبل"، وهو كمان مؤسس فريق السفراء للترانيم ..بيتكلم معانا عن نشأته وطفولته في بيت مؤمن ومدارس أحد جمعية خلاص النفوس شبرا، وتأثير المجتمعات دي في تشكيل شخصيته الروحية، وشغفه لل
أهلًا توفيق جورج | Ahlan Tawfik George - Guest 44
في الحلقة دي بنتعرف أكتر على أنكل توفيق جورج، مبدع وخادم حقيقي الرب استخدمه في مشاريع كتيرة زي بيت لليان تراشر بأسيوط ومجلة هو وهي ومشروع فكر واعمل وبيت الواحة بالوادي، وغيرها..بيشاركنا مفاتيح نجاح حياته الروحية والزمنية، وأهم المحاور اللي بيرتكز عليها تشكيل ربنا طول ال٩٠ سنة اللي فاتوا، وتعريفه للتحديات وكلمة المستحيل وازاي بالحرفة والأعمال البسيطة ساعد شباب وأسر كتيرة.
أهلًا ق. ناشد غالي | Ahlan Rev. Nashed Ghaly - Guest 43
في الحلقة دي بنتعرف أكتر على ق. ناشد غالي، راعي الكنيسة الرسولية بالشرابية. خادم وواعظ ليه تأثير واسع وسط الكنيسة العربية، لأنه بيتميز بالبساطة اللغوية والعمق الكتابي اللي بيخليه قادر يوصل لكل الفئات الاجتماعية والعمرية..بيفتح قلبه لينا في الحلقة دي عن طاعته لصوت الرب وخطته لحياته، وبدايات التشكيل الإلهي من طفولته حتى الجامعة في أسيوط، والتحديات اللي قابلها في التفرغ للخدمة بعد موسم من النجاح المه
أهلًا آن ألفريد | Ahlan Anne Alfred - Guest 42
في الحلقة دي بنتعرف أكتر على آن ألفريد، مرنمة كتبت ولحنت عدد من ترانيم الشباب، واتميزت بموهبتها الواضحة في التمثيل وكتابة الدراما..بتشارك معانا تأثير الأسرة والوالدين في تشكيل حياتها الروحية وتطوير مواهبها، وبتكلمنا عن فصل مؤلم في حياتها وهو مرض السرطان وكواليس الوقت الصعب ده في حياتها.
أهلًا محب صفا | Ahlan Moheb Safa - Guest 41
في الحلقة دي بنتعرف أكتر على محب صفا، موزِّع موسيقى وأصوات ومرنم وملحن ومهندس صوت وقائد فريق التسبيح بالكنيسة الإنجيلية عين شمس ومن الموسيقيين اللي ليهم تاريخ منوَّر وبصمة واضحة ولون مميَّز وتأثير كبير في الإنتاج الموسيقي للترانيم المسيحية .. بيتكلم معانا عن تحدياته الشخصية وإيمانه، وتأثير والده في حياته، وبيشاركنا بأحلامه في الخدمة وعمل الله في الكنيسة.
أهلًا عصام خليل | Ahlan Essam Khalil - Guest 40
في الحلقة دي بنتعرف أكتر على عصام خليل، خادم شباب في كنايس الإخوة وخدم أجيال كتيرة طول سنين عديدة فاتت، والرب شجعه في تأسيس مجلة نحو الهدف للشباب وبرنامج فاحصين الكتب لدراسة الكتاب المقدس ومؤتمرات بصمة لشباب ثانوي وجامعة ..بيتكلم معانا عن علاقته بأسرته وبالأخص والدته وتأثيرها القوي عليه، وعن تحدياته الشخصية وهو في مرحلة الشباب وكمان في خدمته مع الشباب لاحقًا واختلاف الأجيال وازاي اشتغل على تطوير ن
أهلًا حليم حسب الله | Ahlan Halim Hasaballah - Guest 39
في الحلقة دي بنتعرف أكتر على د. حليم حسب الله، طبيب بيطري سابقًا وخادم متفرغ للرب وكارز مشتعل بالنفوس ..بيتكلم معانا عن تأثير الأسرة على شخصيته، وبيتكلم عن تدرج إتساع دواير تأثيره مع خروجه من القرية للمدينة، واختبارات روحية مع الله في وقت عمله الوظيفي، وثم تحديات التفرغ للخدمة، وبيشاركنا بالجانب الإنساني ليه كزوج وكأب
أهلًا ق. عاطف سامي | Ahlan Rev. Atef Samy - Guest 38
في الحلقة دي بنتعرف أكتر على ق. عاطف سامي، راعي في الكنيسة الإنجيلية بقصر الدوبارة، وربنا استخدمه في زرع خدمات في الكنيسة المحلية وبداية مشاريع روحية كبرى ..بيشاركنا بخبرته الروحية الكبيرة في مساعدة أجيال وتسليمهم مسؤوليات الكنيسة، وبيحكي لنا عن طفولته وتأثير جده برنابانوس وعيلته في تشكيل وعيه وشخصيته، وكمان مشواره مع سلوى شريكة حياته وانتقالها للسما
أهلًا أكرم حليم | Ahlan Akram Halim - Guest 37
في الحلقة دي بنتعرف أكتر على أكرم حليم، مرنم وقائد تسبيح وعنده مواهب كتيرة زي التمثيل والدوبلاج ..بيشاركنا بطفولته وعلاقته بأسرته وتأثيرها على شخصيته، وخدمته مع الأطفال بطرق مبتكرة، وبداية خدمته في التسبيح مع فريق الحياة الأفضل، وإزاي بيشوف تحديات الخدمة في الجيل ده
أهلًا ثامار زنانيري | Ahlan Thamar Zananiri - Guest 36
في الحلقة دي بنتعرف أكتر على ثامار زنانيري، مرنمة أردنية وقائدة تسبيح وكتبت ولحنت ترانيم كتيرة باللهجة الأردنية ..بتتكلم معانا طفولتها ونشأتها وبدايات خدمتها بالتسبيح وازاي اتشجعت في كتابة ترانيمها بلغتها وطريقتها الخاصة، وبنشوف التحديات اللي قابلتها في مشوارها مع الرب من نفسها والمجتمع
أهلًا بيبو مشرقي | Ahlan Bibo Meshreky - Guest 35
في الحلقة دي بنتعرف أكتر على بيبو مشرقي، قائد تسبيح في الكنيسة الإنجيلية بقصر الدوبارة، ومن الخدام اللي على قلبهم من سنين يشجع المسبحين وشعب الرب على الوقوف قدام الرب ويقدموا ذبيحة تسبيح وصلوات طول الوقت ..بيتكلم معانا عن بداياته وتأثير جده عليه وازاي اتعامل مع أوقات الفقد المتكررة في حياته، وكمان بيتكلم عن بدايات تلحين الكلمة وولادة بيت الصلاة في مصر
أهلًا مايسترو ناير ناجي | Ahlan Maestro Nayer Nagui - Guest 34
في الحلقة دي بنتعرف أكتر على مايسترو ناير ناجي، القائد الأساسي لأوركسترا مكتبة الإسكندرية والمدير الفني السابق لأوركسترا الأوبرا المصرية والمؤسس والمدير الفني لكورال القاهرة الاحتفالي ..بيتكلم معانا بحرية عن تجربته المهنية بكل أطوارها، وإزاي بيعيش ابن الله في العالم، وبيحكي عن نشأته في الإسكندرية وقيادة فريق البشارة للترنيم، ومشواره مع شريكة حياته دينا إسكندر
أهلًا فيليب ويصا | Ahlan Phillip Wissa - Guest 33
في الحلقة دي بنتعرف أكتر على فيليب ويصا، قائد تسبيح وربنا استخدمه في ترجمة ترانيم تعبدية تساعد شعب الله في الدخول لمحضره بالتعبد والسجود ..بيشهد عن أمانة ربنا معاه، وعن دعوته في خدمة التسبيح وكمان إزاي ربنا بيقوده في إنه يكون نور في المجال المهني في العالم بكل الطرق والأشكال، حكى لينا عن طفولته وازاي اتقابل مع الرب والتحديات اللي واحهها
أهلًا هرماس سمير | Ahlan Hermas Samir - Guest 32
في الحلقة دي بنتعرف أكتر على هرماس سمير، قائد تسبيح من عشرات السنوات، وكتب ولحن مئات الترانيم اللي استخدمها الرب على لسان شعبه في كل مكان للتسبيح والدخول محضره ..بيتكلم معانا عن بداياته مع الرب وازاي اتعلم العود والترنيم، ورؤيته في التسبيح والعبادة الحية في الكنيسة، وبدايات خدمة خيمة التسبيح وأشواق قلبه ناحية شعب الله
أهلًا سعيد رمضان | Ahlan Saeed Ramadan - Guest 31
في الحلقة دي بنتعرف أكتر على سعيد رمضان، مرنم وكاتب وملحن لعديد من الترانيم المؤثرة والمنتشرة بين الكنايس العربية، وليها طابع شرقي بسيط ..بيتكلم معانا عن نشأته وطفولته وبدايات خدمته، وأكتر المواقف المؤلمة اللي قابلته في المشوار وطلع منها اختبارات روحية لتشكيل حياته
أهلًا ليديا شديد | Ahlan Lydia Shadeed - Guest 30
في الحلقة دي بنتعرف أكتر على ليديا شديد، مرنمة لبنانية وخادمة للرب في أماكن كتيرة ..بتشارك معانا عن سكة تجهيز ربنا لموهبتها وشخصيتها من الطفولة لغاية اليوم، وأصعب الأوقات اللي عدت بيها، وكمان تاريخ استخدام الرب ليها في خدمة الترانيم
أهلًا ق. يوسف سمير | Ahlan Rev. Youssef Samir - Guest 29
في الحلقة دي بنتعرف أكتر على ق. يوسف سمير، راعي الكنيسة الإنجيلية بمصر الجديدة وواعظ ومرنم ومسئول عن عمل روحي بنطاق واسع في مصر ..بيتكلم معانا عن مشوار التشكيل الإلهي في تجهيز إناءه لخدمة السيد، من مراحل الطفولة وإلتحاقه بكلية اللاهوت ودعوته للخدمة والتحديات اللي بيواجهها
أهلًا يوسف ناثان | Ahlan Youssef Nathan - Guest 28
في الحلقة دي بنتعرف أكتر على يوسف ناثان، معلم ودارس في كلمة الله، والمسؤول عن كتاب الخلفيات التوضيحية للكتاب المقدس وغيرها من البرامج الدراسيةبيتكلم معانا عن المحطات وأهم الأشخاص اللي كان ليهم تأثير ودور في تشكيل وعيه وشخصيته، وعن تحديات الخدمة اللي واجهته علشان يحقق رؤيته
أهلًا إسحاق كرمي | Ahlan Eshak Karmy - Guest 27
في الحلقة دي بنتعرف أكتر على إسحاق كرمي، قائد تسبيح وعنده رؤية في قيادة شعب الرب في التلمذة وطلب وجه الله في الكنيسة ..بيتكلم معانا عن نشأته في كنيسة الإيمان ڤيكتوريا، وازاي اتقابل مع ربنا بعد تحديات روحية وصحية، وعلاقته بأسرته اللي كلها مواهب بتمجد الله
أهلًا بولس بشرى | Ahlan Boulos Boshra - Guest 26
في الحلقة دي بنتعرف أكتر على بولس بشرى، مؤسس وقائد فريق التسبيح في مصر من سنة ١٩٧٩، وملحن العديد من آيات المزامير ورنمتها كل الكنايس ..بيكلمنا عن نشأته وسبب حبه لكلمة ربنا والتسبيح لأسماء الله، ورحلة تأسيس فريق التسبيح والتحديات اللي واجهها كقائد في الخدمة
أهلًا منال سمير | Ahlan Manal Samir - Guest 25
في الحلقة دي بنتعرف أكتر على منال سمير، مرنمة وكاتبة ترانيم وملحنة للأطفال والكبار، ومن علامات فريق الحياة الأفضل وليها تاريخ كبير وتأثير واضح في الترنيمة العربية ..بتتكلم معانا عن نشأتها وبدايات كتابة الترانيم ورؤيتها في خدمة الأطفال، وكمان وقت الهجرة مع زوجها خارج مصر وازاي ربنا شكل حياتها في الأوقات الصعبة دي.
أهلًا ماهر فايز | Ahlan Maher Fayez - Guest 24
في الحلقة دي بنتعرف أكتر على ماهر فايز، مرنم وكاتب وملحن لترانيم مصرية مؤثرة، وقائد لحركة وفريق الكاروز للترنيم ..هايتكلم معانا عن أوقات التأهيل الروحي وفترات الإماتة عن الذات، في دواير الخدمة الكنسية والعلاقات وبداياته في التسبيح. وكمان أفكاره عن الأبوة الروحية، وتطور شكل التكريس عبر الأجيال، والتحديات اللي بيقابلها في نفسه وفي العالم الخارجي.
أهلًا جمال المطيعي | Ahlan Gamal El-Motei - Guest 23
في الحلقة دي بنتعرف أكتر على جمال المطيعي، أو أنكل چيمي اللي خدم سنوات طويلة آلاف الشباب في بيت السلام بالعجمي ..هايتكلم معانا عن دعوة الرب ليه في خدمة الموائد، وازاي ربنا جهز شخصيته للمهمة دي، والتحديات اللي قابلها مع أسرته علشان يسيب الشغل والقاهرة ويخدم الرب في العجمي
أهلًا نانسي فلتس | Ahlan Nancy Faltas - Guest 22
في الحلقة دي بنتعرف أكتر على نانسي فلتس، مرنمة بصوت مميز من زمان وترجمت عشرات الترانيم المهمة في كنايسنا العربية، وكمان الرب بيستخدمها في الكتابة وتدوين التأملات المشجعة ..هاتتكلم معانا عن التحديات اللي قابلتها ورا بعض وازاي ربنا شكِّل فيها عن طريق علاقتها بشخصية الأب ومرض الأم وانتقال أهل جوزها والتعلق بأولادها وكمان ظروفها الصحية المفاجئة
أهلًا مفدي موسى | Ahlan Mafdy Mousa - Guest 21
في الحلقة دي بنتعرف أكتر على مفدي موسى، مرسل لسنوات طويلة في الحقول الأفريقية وبيتلمذ آلاف من المرسلين المحليين في بلادهم ..هايتكلم معانا عند تحديات الخدمة، ومراحل تطورها معاه من أيام نشأته وشبابه وحتى يومنا هذا
أهلًا كيرلس مجدي | Ahlan Kyrillos Magdy - Guest 20
في الحلقة دي بنتعرف أكتر على كيرلس مجدي، مرنم وعازف عود ومن قادة التسبيح في الكنيسة الانجيلية بقصر الدوبارة ..هايفتح لنا قلبه ويتكلم عن الأوقات الصعبة اللي عدى بيها علشان يعرف خطة ربنا لحياته وشغله وخدمته
أهلًا ناصف صبحي | Ahlan Nassef Sobhy | Vol. 2 - Guest 19
في الحلقة دي بنتعرف أكتر على ناصف صبحي، مرنم وكاتب وملحن ترانيم أطفال وكبار وليه بصمة كبيرة وتأثير مهم في تاريخ الترنيمة المصرية ..هايتكلم معانا عن مرحلة انتقاله للقاهرة وبداية موسم الشغل كرجل أعمال ناجح، وازاي بعد كده ربنا دعاه للتفرغ للخدمة
أهلًا نادرة نبيل | Ahlan Nadra Nabil - Guest 18
في الحلقة دي بنتعرف أكتر على نادرة نبيل، مرنمة ومن قادة التسبيح في كنيسة قصر الدوبارة ..هاتتكلم معانا عن محطات التشكيل المؤلمة اللي عدت بيها، زي انتقال زوجها المفاجئ ووالدها وكمان اختبارها مع مرض السرطان كذا مرة
أهلًا بهجت عدلي | Ahlan Bahgat Adly - Guest 17
في الحلقة دي بنتعرف أكتر على بهجت عدلي، مرنم وكاتب وملحن ترانيم كتيرة في اجتماعات كنايسنا ..هايتكلم معانا عن نشأته وحبه للترانيم ومخاوفه وأفكاره عن الخدمة وازاي ربنا اشتغل في حياته عن طريق ناس تانية
التأثير خسّرنا كتير- أصحاب | Meeting 06
في الحلقة دي جبت أصحابي فام وجون ..يعني قطبي الصعيد أسيوط والمنيا، وهاندردش في أفكار عن التأثير والقدوة، ويعني إيه أكون مسئول عن اللي باعيشه واللي باقوله
أهلًا كيرلس عياد | Ahlan Kyrillos Ayad - Guest 16
في الحلقة دي بنتعرف أكتر على كيرو عياد ..مشوار مليان تشكيل ومذاكرة واجتهاد في معرفة ربنا في كتابه وحقه، وبنشوف ازاي اتعرف على الرب بطريقة مش تقليدية ..وبنشوف أحلامه للشباب، وكمان مخاوفه وتحدياته اليومية
أمواج كل الحياة أمواج - أصحاب | Meeting 05
في الحلقة دي جبت أصحابي شادي وبرتو ..هانتكلم عن المواسم المختلفة اللي بتيجي بمفاجآت مش متوقعة، وبتكون إيه ردود أفعالنا قدام أمواج التغييرات والصدمات اللي بتخبط في وشنا من غير مقدمات
أهلًا وفيق رمزي | Ahlan Wafeek Ramzy - Guest 15
في الحلقة دي بنتعرف أكتر على وفيق رمزي ..خادم للرب وسط أجيال كتيرة، وبنشوف تأثير والده عليه في طفولته في تكوين شخصيته ونشأة أفكاره الروحية ..وبنعرف إزاي حصلت النقلة من مدرس ناجح لخادم للإنجيل
كامل في بلاد العجائب - أصحاب | Meeting 04
في الحلقة دي جبت أصحابي ماريان ورفيق ..هانتكلم عن الكمالية Perfectionism وإزاي كل حد فينا اتعامل مع الموضوع ده ..وتأثير ده على مجالات حياتنا المختلفة، واللي منها علاقتنا بالرب والخدمة
أهلًا مدحت صبري | Ahlan Medhat Sabry - Guest 13
في الحلقة دي بنتعرف أكتر على مدحت صبري ..خادم أطفال مبدع وصاحب بدايات لرؤى وخدمات للأطفال من زمانهايحكي لنا عن طفولته وبداياته مع الرب، وحكايات مثيرة في شغله وبنشوف ازاي ابتدا خدمته، وازاي ابتدا عم كمبش وغيره من الشخصيات
نص كيلو شغف - أصحاب | Meeting 03
في الحلقة دي جبت أصحابي أندرو وريم ..هانتكلم عن ذكرياتنا مع مواهبنا، ويعني إيه شغف وإننا نحب الحاجة حاسسين ناحيتها بإنجذاب ..وياترى خدمة ربنا شغف والا ضرورة!؟
أهلًا باسم سعد | Ahlan Bassem Saad - Guest 12
في الحلقة دي بنتعرف أكتر على باسم سعد ..خادم ومرسل في أماكن كتيرة، وعلى قلبه نشر كلمة ربنا في قلوب الناس البعيدةوبنشوف التحديات اللي قابلها في صغره، ومراحل التشكيل في شبابه، وازاي شخصيته ربنا اشتغل عليها
ناصف صبحي "هنا والآن" - زيادة
حبينا نعرف من أخونا ناصف صبحي إيه اللي شاغل تفكيره الوقت ده .. هنا والآن!
صداع من الإبداع - أصحاب | Meeting 02
في الحلقة دي جبت أصحابي اللي اتربينا سوا ..هانتكلم عن ذكرياتنا مع مواهبنا واللي اتعلمناه في مشوار الفن، وهاندردش عن الخدمة وازاي إن الإبداع حاجة مهمة فيها ..وازاي نطور نفسنا في الإمكانيات اللي الرب إدهالنا
أهلًا ناصف صبحي | Ahlan Nassef Sobhy | Vol. 1 - Guest 11
في الحلقة دي بنتعرف أكتر على أنكل ناصف صبحي ..من المؤثرين في شباب أجيال كتيرة بكلماته وألحانه وخدمته وأوقات التسبيح في كنايسنا ..هايكلمنا عن بداية خدمته في أسيوط وسط الأطفال الأيتاموأول أكورديون امتلكه، وأول ترنيمة عملهاوفترات التعصب الديني في الجامعة اللي شكلت في شخصيتهوكمان علاقته مع أبوه اللي عدت بمراحل مختلفة وأثر ده عليه
أهلًا بيشوي فيليب | Ahlan Beshoy Philip - Guest 10
في الحلقة دي بنتعرف أكتر على بيشوي فيليب ..خادم وسط الشباب وقائد تسبيحوعنده اختبار تغيير مختلف، وإزاي ارتبط بشريكة حياته واتفرغ للخدمة ومحطات عميقة في حياته
أهلًا مينا جميل | Ahlan Mina Gamil - Guest 09
في الحلقة دي بنتعرف أكتر على مينا جميل ..مرنم وكاتب وملحن لترانيم مؤثرة كتيرة ..وبنكتشف إزاي إيد ربنا شكلته في شغله ومع أسرته، وعلاقته بالأب والأم، ومحبته للخدمة والتسبيح
أهلًا أندرو بهير - في يوم | Ahlan Andrew Bahir - Day 03
في الحلقة دي بنعرف إيه اللي حصل في يوم الخميس ١٢ مايو ٢٠٢٢ مع أندرو بهير ..لما اتعرض لحادث ودخل في غيبوبة طويلة، والرب اتدخل بمعجزةهانشوف إزاي اليوم ده فرق في حياة أندرو والناس اللي حواليه
أهلًا دانيال نادر - في يوم | Ahlan Daniel Nader - Day 02
في الحلقة دي بنعرف إيه اللي حصل في يوم الأربعاء ١ مارس ٢٠٢٣ مع دانيال نادر ..لما شريكة حياته راحت السما بعد صراع ٣ سنين مع المرض، وبنشوف معاملات ربنا معاهم في الفترة دي وبعدها كمان
أهلًا مينا عوني | Ahlan Mina Awny - Guest 08
في الحلقة دي بنتعرف أكتر على مينا عوني ..وبنشوف تاريخ معاملات الله معاه علشان يجهزه لرؤية كبيرة زي إنه يشوف أجيال من الأطفال بتعبد ربنا وتصلي وتسبحه
أهلًا ساندرا جرجس - في يوم | Ahlan Sandra Girgis - Day 01
في الحلقة دي بنعرف إيه اللي حصل في يوم الجمعة ٢ نوفمبر ٢٠٠٧ مع ساندرا جرجس ..لما فقدت أسرتها في حادث صعب وهي ٩ سنين، وده فرق في حياتها بعد كده من كل النواحي
أهلًا جون مفدي | Ahlan John Mafdy - Guest 07
في الحلقة دي بنتعرف أكتر على جون مفدي ..من خدام الشباب في بلادنا العربية، ومرنم وكاتب وملحن ترانيم إنجليزي جميلةبيحكي لنا عن رحلة التشكيل في سفره وهجرته وتأثير والده على حياته والتحديات اللي شافها في مشواره الروحي
Ahlan Podcast - بودكاست اهلًا
أهلًا بيكم في بودكاست أهلًا ..
البودكاست اللي فيه بنتقابل وبنحكي مع ناس زيينا جايز تعرفهم وجايز لأ ..
بنعرفهم عن قرب وعمق أكتر، ونشوف كواليس تشكيل ربنا في حياتهم علشان يوصلوا للنسخة اللي هما عليها دلوقتي ..
في بودكاست أهلًا .. نتأمل الإناء طور التشكيل
بنتأمل ضعفهم قبل قوتهم ..
بنتأمل حيرتهم قبل حكمتهم ..
بنتأمل فشلهم قبل إنجازاتهم ..
بنتأمل إيد الخالق المبدع في قصتة الفريدة مع كل شخص ..
لو انت لسه
الكريسماس بقى وكده - أصحاب | Meeting 01
في الحلقة دي جبت أصحابي اللي اتربينا سوا ..هاندردش في ذكرياتنا مع يوم رأس السنة، وأفكار عن السنين اللي بتجري والقرارات اللي بناخدها ومش بنحققها .. والكريسماس بالنسبة لنا إيه!
أهلًا زكريا إستاورو | Ahlan Zakaria Estawro - Guest 06
في الحلقة دي بنتعرف أكتر على د. زكريا إستاورو ..من أهم وأبرز الكارزين والخدام في العصر الحالي للكنيسة العربية ..هانتكلم معاه عن حياته الشخصية، ومراحل تشكيل شخصيته، ونسمع أكتر منه عن إختبارات وقصص وخبرته في الخدمة
أهلًا يوسف تيناوي | Ahlan Youssef Tinawy - Guest 05
في الحلقة دي بنتعرف أكتر على يوسف تيناوي (چو)خادم وسط الشباب، والرب بيستخدمه من خلال السوشيال ميديا في نشر كلمته ..هانتكلم عن محطات التشكيل في حياته وشغله وسفره بره مصر سنين وخدمته جوه كنيسته الكاثوليكية
أهلًا ماريا ألفونس | Ahlan Maria Alfonse - Guest 04
في الحلقة دي بنتعرف أكتر على ماريا ألفونس ..خادمة للرب وعاشت مرسلة لأكتر من ١٠ سنين في جنوب السودان ..هانتكلم عن رحلة التشكيل بكل مراحلها، ومشوار التبعية من صغرها ومواضيع تانية زي ارتباطها ورجوعها للخدمة في مصر
أهلًا باسم رشدي | Ahlan Bassem Roshdy - Guest 03
في الحلقة دي بنتعرف أكتر على د. باسم رشدي ..كاتب ترانيم جميلة منتشرة في كنايسنا وخادم لكلمة ربنا ..هانتكلم عن مراحل صعبة عدت في حياتة فيها ألم وتشكيل ..وهايتكلم كمان عن تعاملات ربنا معاه في وقت الألم
أهلًا ديفيد ويصا | Ahlan David Wissa - Guest 02
في الحلقة دي بنتعرف أكتر على ديفيد ويصا ..خادم ومعلم لكلمة ربنا ..هانحكي عن السوشيال ميديا وتأثيرها علينا ..وبنتكلم عن مراحل تشكيل ربنا لحياته زي الأسرة والشغل والكنيسة
أهلًا سامي سمير | Ahlan Samy Samir - Guest 01
في الحلقة دي بنتعرف أكتر على سامي سمير، مرنم وصاحب صوت أيقوني مستحيل تنساه .. وبنتكلم عن محطات في حياته زي الهجرة وبيته وظروف صعبة عدّى بيها
